07:38 am
قابل سزا جرم ہونے کے باوجود پاکستانی نوٹ میں بہت بڑی تبدیلی کر دی گئی ، عدالت ایکشن میں آگئی

قابل سزا جرم ہونے کے باوجود پاکستانی نوٹ میں بہت بڑی تبدیلی کر دی گئی ، عدالت ایکشن میں آگئی

07:38 am

اسلام آباد (مانیٹرنگ ڈیسک)آج کے اس مہنگائی کے دور میں ویسے تو ہزار کا نوٹ دیکھنا بڑے نصیب کی بات ہے تاہم اب اگر 1ہزار والا نوٹ دیکھیں گے تو آپ کو حیرانی ہوگی کیونکہ نوٹ پر پاکستانی پرچم کا رنگ تبدیل کر دیا گیا ہے ۔ تفصیلات کے مطابق ہزار کے نوٹ پر قومی پرچم کا رنگ تبدیل کرنے پر اسٹیٹ بینک اور حکومت کو نوٹس جاری کرتے ہوئے جواب طلب کرلیا۔
سندھ ہائیکورٹ میں ایک ہزار کے نوٹ پر پاکستانی پرچم کا رنگ تبدیل کرنے کے خلاف درخواست کی سماعت ہوئی۔ عدالت نے اسٹیٹ بینک آف پاکستان، اٹارنی جنرل اور دیگر کو نوٹس جاری کرتے ہوئے 3 جولائی تک تفصیلی جواب جمع کرانے کا حکم دیا۔درخواست گزار نے موقف اختیار کیا کہ ایک ہزار روپے کے کرنسی نوٹ پر پاکستان کے پرچم کا رنگ تبدیل کرنا قابلِ سزا جرم ہے، ہزار کا نوٹ سابق وزیراعظم نواز شریف اور سابق وزیر خزانہ اسحاق ڈار کے حکم پر گورنر اسٹیٹ بینک اشرف وتھرا کے دستخط سے جاری ہوا تھا۔مدعا علیہان نے ایسا کرکے دستور کی دفعہ 5 سے انحراف کیا اور پاکستانی پرچم کی بے حرمتی کی گئی۔ درخواست گزار نے عدالت سے نوٹ منسوخ کرکے ذمہ دار افراد کے خلاف فوجداری مقدمے کے تحت کارروائی کرنے کی استدعا کی۔

تازہ ترین خبریں