08:41 am
حکو مت نے اسلام آباد الیکٹرک سپلائی کمپنی اور لاہور الیکٹرک سپلائی کمپنی کو نجکاری کی فہرست شامل کر لیا

حکو مت نے اسلام آباد الیکٹرک سپلائی کمپنی اور لاہور الیکٹرک سپلائی کمپنی کو نجکاری کی فہرست شامل کر لیا

08:41 am

اسلام آباد(نیوز ڈیسک )کابینہ کی نجکاری کمیٹی نے اسٹیٹ لائف انشورنس، اسلام آباد الیکٹرک سپلائی کمپنی اور لاہور الیکٹرک سپلائی کمپنی کو نجکاری کی فہرست شامل کر لیا ہے جبکہ دیگر 10اداروں کی نجکاری کی بھی منظوری دے دی۔ نجکاری کمیٹی کا اجلاس مشیرخزانہ ڈاکٹرعبدالحفیظ شیخ کی زیرصدارت اسلام آباد میں ہوا۔اجلاس میں نجکاری کمیشن نے ان دس سرکاری اداروں کے بارے میں بریفنگ دی جن کی نجکاری اور اس کیلئے مالیاتی مشیر مقرر کرنے کیلیے نجکاری کمیشن کے بورڈ نے گزشتہ ماہ منظوری دی تھی۔
ان اداروں میں گڈو پاور پلانٹ، سینٹرل پاور جنریشن کمپنی لمیٹڈ، نندی پور پاور پلانٹ’، ناردرن پاور جنریشن کمپنی (جنکو تھری)، ہاوس بلڈنگ فنانس کارپوریشن، او جی ڈی سی ایل، پاکستان پٹرولیم لمیٹڈ، فرسٹ ویمن بنک، ہیوی الیکٹریکل کمپلیکس، پاکستسن انجئینرنگ لمیٹڈ، پاکستان ری انشورنس کمپنی شامل ہیں ۔کمیٹی نے سٹیٹ لائف انشورنس کارپوریشن، اسلام آباد الیکٹرک سپلائی کمپنی اور لاہور الیکٹرک سپلائی کے ایک حصے کو نجکاری کی فہرست میں شامل کرنے کی منظوری دے دی۔