09:47 am
  قصور میں معصوم بچوں کے ساتھ زیادتی اور قتل پر نادیہ جمیل اور ماہرہ خان  کا احتجاج

  قصور میں معصوم بچوں کے ساتھ زیادتی اور قتل پر نادیہ جمیل اور ماہرہ خان  کا احتجاج

09:47 am

اسلام آباد (آئی این پی)  قصور میں3 معصوم بچوں کے ساتھ زیادتی، بہیمانہ تشدد اور قتل پر  اداکارہ نادیہ جمیل اور ماہرہ خان نے شدید احتجاج کرتے ہوئے مجرموں کو کیفر کردار تک پہنچانے کا مطالبہ کیا  ہے۔ اداکارہ و سماجی کارکن نادیہ جمیل نے قصور واقعے پر وزیر اعلی پنجاب عثمان بزدار کی جانب سے لیے جانے والے نوٹس پر  طنز کرتے ہوئے کہا کہ نوٹس؟ قصور میں یہ سب نیا نہیں ہورہا اگر آپ پہلے نوٹس لے لیتے تو یہ واقعات ہوتے ہی نہیں۔ خدا کے لیے ان بچوں کا بھی نوٹس لیں جو بچ گئے ہیں۔ وہ بچے جو درندگی کا شکار ہوتے ہیں انہیں انصاف نہیں ملتا اور دوسرے بچے مسلسل بدسلوکی ہونے کے ڈر میں جی رہے ہیں۔ نادیہ جمیل نے واقعے کے خلاف احتجاج  پر اپنی رائے کا اظہار کرتے ہوئے کہا ہم پھر سے اسی طرح جاگ اٹھے ہیں
 
جس طرح سب نے 2013 میں آواز اٹھائی تھی، جیسے سب زینب واقعے پر اٹھ کھڑے ہوئے تھے۔ نادیہ جمیل نے مزید کہا کہ بچوں کے ساتھ زیادتی اورقتل کے واقعات صرف قصور میں نہیں ہورہے بلکہ یہ ایک بیماری ہے جو ہمیں ختم کرسکتی ہے۔ یہ واقعات صرف پنجاب میں نہیں ہورہے بلکہ خیبرپختونخوا، سندھ اوربلوچستان میں بھی یہ سب ہورہا ہے جسے ختم کرنے کے لیے سنجیدہ منصوبہ بندی کی ضرورت ہے۔ اداکارہ ماہرہ خان نے بھی قصور واقعے پر وزیراعظم عمران خان کی اس ٹویٹ کو ری ٹویٹ کرکے اپنا احتجاج ریکارڈ کرایا جس میں وہ قصور واقعے میں ملوث مجرموں کو احتساب کے کٹہرے میں لانے کی بات کررہے ہیں۔

تازہ ترین خبریں