03:34 pm
پاکستان اس صورتحال میں کیا کرنے والا ہے، انتہائی اہم رپورٹ

پاکستان اس صورتحال میں کیا کرنے والا ہے، انتہائی اہم رپورٹ

03:34 pm

اسلام آباد (مانیٹرنگ ڈیسک) سینئر ملکی صحافی اور تجزیہ کار صابر شاکر کہتے ہیں کہ سعودی عرب کی آئل ریفائنری پر ہونے والا میزائل حملہ بھی بالا کوٹ حملے کی طرح کی ایک بڑی غیر ملکی کارروائی ہے تاہم سعودی آئل ریفائنری پر حملہ درحقیقت ایک بہت بڑی بین الاقوامی سازش ہے۔ جس روز سعودی آئل ریفائنری پر حملہ ہوا اس کے اگلے ہی روز امریکہ اور برطانیہ نے اسے ایران کی کارروائی قرار دیتے ہوئے ایران پر جنگ مسلط کرنے کامطالبہ کردیا۔
اب اگرچہ سعودی آئل ریفائنری پر گرنے والے میزائل ایرانی ساختہ ہیں۔ سعودی فوج کے عہدیدار کرنل المالکی نے بھی اس کی تصدیق کر دی ہے لیکن تاحال سعودی عرب نے اس بارے میں کوئی بھی لائحہ عمل طے نہیں کیا ہے۔ یہ بات خارج ازامکان نہیں ہے کہ اس بھیانک منصوبے کے پیچھے اسرائیل کارفرما ہوسکتا ہے یہ میزائل وغیرہ بنانا اورکسی کے گلے ڈالنا اب کوئی ایسا مشکل کام نہیں ہے ۔ اسرائیل اورامریکہ مسلسل دو مسلمان ملکوں کو آپس میں لڑوانے کی سازشیں کررہے ہیں ۔اس میں شیعہ اور سنی کی بنیاد پر بھی تقسیم اور نفرت کو ہوا دینا مقصود ہے تاکہ ایک بار پھر مسلمان خون کی ندیاں بہائی جا سکیں۔ادھر پاکستانی آرمی چیف جنرل قمر جاوید باجوہ نے بھی وزیر اعظم سے ملاقات میں یہ بات کہی ہے کہ سعودی قیادت سے بات کی جائے اور اس واقعے پر افسوس کا اظہا رکرتے ہوئے کوئی بھی فیصلہ تحمل اور سوچ بچا رکے بعد کرنے کا کہاجائے۔یہ بھی واضح کیا جائے کہ پاکستا ن کی ہمدردیاں حرمین شریفین اور کئی دوسری وجوہات کی بنا پر سعودی عرب کے ساتھ ہی ہوں گی۔