03:48 pm
سکولوں میں حجاب کی پابندی سے فیشن انڈسٹری کو نقصان ہوگا،سینئر صحافی

سکولوں میں حجاب کی پابندی سے فیشن انڈسٹری کو نقصان ہوگا،سینئر صحافی

03:48 pm

اسلام آباد (مانیٹرنگ ڈیسک )سینئر ملکی صحافی اور تجزیہ کار اوریا مقبول جان کہتے ہیں کہ جنھوںنے سکولوں سے حجاب کا فیصلہ ختم کروایا ہے وہ اس فیشن انڈسٹری کا حصہ ہیں جس کے پیٹ پر لات پڑنے والی تھی۔ نجی ٹی وی چینل کے پروگرام میں گفتگو کرتے ہوئے اوریا مقبول جان کا کہناتھا کہ ایک عورت ایک د ن حجاب پہن کر باہر چلی جائے تو فیشن انڈسٹری کو اس ایک عورت کی وجہ سے 120ڈالر کانقصان پہنچتا ہے۔ مجھے یہ کہتے ہوئے شرم آتی ہے
کہ آج سر کے بالوں سے لے کر پائوں کے ناخنوں تک عورت کو ایک بازاری تماشہ بنانے کی کوشش کی جارہی ہے۔ نیل پالش، ہئیر کلر، کنڈیشنر، کریمز ، لوشنز،لپ سٹکس ، آئی لائنر اور پتہ نہیں کیا کیا بیچنے والی انڈسٹری کو کب گوارہ ہو کہ عورتیں حجاب پہن لیں۔جس روز ہندوستان میں ایشوریا رائے اور سشمیتا سین کو مس ورلڈ اور مس یونیورس بنایا گیا اسی روز ہمارے مشرق میں عورتوں کو اس تماشے میں لاکھڑا کرنے کی دوڑ شروع ہوگئی تھی۔ اوریا مقبول جان کا کہناہے کہ سکولوںمیں حجاب کو یونیفار م کا حصہ بنانے کا فیصلہ واپس لیا جانا کے پی کے حکومت کا اب تک کا سب سے شرمناک اقدام ہے ۔آج جو لوگ اس پر خاموش ہیں ، قیامت کے روز انھیں اللہ کےسامنے جوابدہ ہونا ہوگا۔

تازہ ترین خبریں