09:54 am
 رواں ماہ ڈالر کی قیمت میں کمی آئے گی،گورنر سٹیٹ بینک رضا باقر

رواں ماہ ڈالر کی قیمت میں کمی آئے گی،گورنر سٹیٹ بینک رضا باقر

09:54 am

کراچی (نیوز ڈیسک ) گورنر سٹیٹ بینک رضا باقر نے خوشخبری سنائی ہے کہ رواں ماہ ڈالر کی قیمت میں کمی آئے گی۔ انہوں نے کہا ہے کہ زرِ مبادلہ میں اضافے کی وجہ سے روپے کی قدر مستحکم ہو گی اور ڈالر کی قیمت میں کمی ہو گی۔ گورنر سٹیٹ بینک کے مطابق ڈالر کے مقابلے میں روپے کی قیمت مستحکم ہو رہی ہے اور رواں ماہ کے دوران یہ اور بہتر ہو گی۔واضح رہے کہ آئی ایم ایف نے پاکستانی معیشت کو حوصلہ افزا قرار دیدیا ہے، گزشتہ دو ماہ کے دوران ڈالر کی قیمت میں ساتھ سے آٹھ روپے کمی آئی ہے
اس کی وجہ برآمدات میں اضافہ اور درآمدات میں کمی بھی ہے۔ وزیر مملکت برائے ریونیو حماد اظہر نے کہا ہے کہ آئی ایم ایف ٹیم نے پاکستانی معیشت کے ابتدائی نتائج کو بہت حوصلہ افزا قرار دیا ہے۔حماد اظہر کا کہنا ہے کہ آئی ایم ایف ٹیم کی جانب سے پاکستان کی آمدنی میں اضافے کو بھی متاثر کن قرار دیا گیا ہے۔خیال رہے کہ رہے کہ گزشتہ روز جیہاد ازور کی سربراہی میں آئی ایم ایف وفد نے وزیراعظم عمران خان سے ملاقات کی تھی جس میں معاشی صورتحال اور قرض پروگرام پر تبادلہ خیال کیا گیا تھا۔ مشیر خزانہ حفیظ شیخ نے بھی آئی ایم ایف وفد سے گزشتہ روز ملاقات کی تھی، اس ملاقات میں پاکستان کی معاشی صورتحال اور قرضہ پروگرام پر پیشرفت کا جائزہ لیا گیا تھا۔مشیر خزانہ نے آئی ایم ایف وفد کو معاشی استحکام کے حوالے سے اقدامات پر بریفنگ بھی دی تھی۔ اس پر آئی ایم ایف کے ڈائریکٹر وسطی ایشیا جیہاد آزور نے پاکستان کے ریونیو کی شرح نمو کو بہت حوصلہ افزا قرار دیا ہے اور اب گورنر سٹیٹ بینک رضا باقر نے خوشخبری سنائی ہے کہ رواں ماہ ڈالر کی قیمت میں کمی آئے گی۔ واضح رہے کہ اس وقت ڈالر کی قیمت 156روپے ہے اس سے قبل ڈالر کی قدر 163روپے تک گئی تھی لیکن اب آہستہ آہستہ روپے کی قیمت میں آضافہ ہو رہا ہے۔

تازہ ترین خبریں