11:17 am
میڈیکل کی ہندو طالبہ نمرتا کی موت پر ہی بس نہ ہوئی ، کالج سے ایک اور خاتون ڈاکٹر اور انجینئر کی لاشیں برآمد

میڈیکل کی ہندو طالبہ نمرتا کی موت پر ہی بس نہ ہوئی ، کالج سے ایک اور خاتون ڈاکٹر اور انجینئر کی لاشیں برآمد

11:17 am

اسلام آباد(مانیٹرنگ ڈیسک) میڈیکل کی ہندو طالبہ کی موت کے بعد پاکستان کے ایک اور معروف کالج سے خاتون ڈاکٹر اور انجینئر کی لاشیں برآمد۔۔ پشاور کے ڈینٹل کالج سے دو لاشیں برآمد ہو گئیں۔ تفصیلات کے مطابق پشاور کے علاقہ چمکنی سے ایک خاتون ڈاکٹر اور انجینئر کی لاشیں برآمد ہوئیں۔ پولیس نے پوسٹمارٹم کے لیے لاشیں اسپتال منتقل کرنے کے بعد تحقیقات کا آغاز کر دیا ہے۔ پولیس کے مطابق تھانہ چمکنی کی حدود میں واقع سٹی ہوم سے ایک خاتون ڈاکٹر اور انجینئر کی لاشیں برآمد ہوئیں۔
لاشیں ایک کواراٹر سے ملیں تاہم جسموں پر ظاہری طور پر کوئی نشانات نہیں پائے گئے۔ پولیس کے مطابق لاشیں پوسٹ مارٹم کے لیے اسپتال منتقل کر دیا گیا ہے۔ جاں بحق خاتون ڈینٹل کالج کی طالبہ تھی۔ پولیس کے مطابق پوسٹ مارٹم رپورٹ آنے کے بعد موت کی حتمی وجہ معلوم ہو سکے گی۔ اصل حقائق جاننے کے لیے جائے وقوعہ سے شواہد اکٹھے کر کے مختلف زاویوں سے تفتیش کا آغاز کر دیا گیا ہے۔واضح رہے کہ حال ہی میں لاڑکانہ کے میڈیکل کالج کے ہاسٹل سے بھی ایک طالبہ کی لاش برآمد ہوئی تھی جس کے حوالے سے تحقیقات جاری ہیں۔ لاش کی شناخت نمرتا کے نام سے ہوئی جس کا تعلق ہندو اقلیتی برادری سے تھا جو چانڈکا ڈینٹل کالج میں فائنل ایئر کی طالبہ تھی۔ طالبہ کی لاش برآمد ہونے پر پہلے تو واقعہ کو خود کُشی قرار دیا گیا جس کے بعد اس واقعہ کی قتل کے زاویے سے تحقیقات شروع کر دی گئیں۔

تازہ ترین خبریں