02:35 pm
نوجوان یوٹیوبر کی مولانا پر شدید تنقید

نوجوان یوٹیوبر کی مولانا پر شدید تنقید

02:35 pm

اسلام آباد (مانیٹرنگ ڈیسک)نوجوان یوٹیوبر قاسم ڈارنے سوشل میڈیا ویب سائٹ یوٹیوب پر ایک ویڈیو شئیر کی ہےجس میں وہ مولانا فضل الرحمان کی جانب سے پلان کیے گئے ممکنہ آزادی مارچ کو تنقید کا نشانہ بناتے ہوئے دکھائی دے رہے ہیں۔ یوٹیوب پر جاری کی گئی ایک ویڈیو میں قاسم ڈار کہتے ہیں کہ مولانا فضل الرحمان کچھ عرصہ سے غائب تھے تو میں سمجھا کہ شاید جہاد کرنے کشمیر نکل گئے ہیں ،مارچ کا سن کر پتہ چلاکہ وہ تو ابھی یہیں ہیں اور اسلام آباد پر نظر رکھے ہوئے ہیں۔
اور وہ کہہ کیا رہے ہیں کہ موجودہ حکومت کی وجہ سے اسلام،پاکستان کی سلامتی کو خطر ہ ہے۔ اور عمران خان نے کشمیر کا سودا کر دیا۔اس نے کشمیر کا سودا کردیا جس نےکے اقوام متحدہ جا کر چیخ چیخ کر دنیا کو بتایا کہ کشمیریوں کا خون بہہ رہا ہے۔اور مودی ہندو انتہا پسندہے، دہشتگردہے۔اور دنیا بھر میں مسلمانوں کا خون بہایا جاتا ہے ا ن کے مذہبی جذبات کی توہین کی جاتی ہے۔اور کشمیرپر اس نے سودا نہیں کیا جس نے نواسی کی شادی پر بغیر ویزے کے مودی کو گھر بلالیا۔ اس نے سودا کر دیا جس نے فضائی راستے بند کردیے ،تجارت بند کردی۔اوردنیا کو جھنجھوڑنے میں ایک کردیے۔اس نے سودا نہیں کیا جو ہندوستان جا کر جندال سے ملالیکن حریت قیادت سے ملاقات نہیں کی۔ اورآپ تو خود آٹھ سال تک کشمیر کمیٹی کے چئیرمین رہے۔کبھی نام تک نہیں لیا کشمیرکا اور سودا عمران خان نے کر دیا۔آج کہہ رہے ہو تیس لاکھ لوگ اسلام آباد آئیںگے۔ ایسا کرو دس لاکھ پٹواری بھی ساتھ لے جائواوردس لاکھ جیالے بھی ساتھ لے جائواور کشمیر چلے جائو۔وہاںجا کر لڑو، میں وعدہ کرتا ہوں کہ ہم آپ کو وزیر اعظم بھی بنائیں اور بنگلہ نمبر 22جس کےلئے آپ تڑپ رہے ہیں، لے کر دیں گے۔