04:45 pm
ریلوے مسافروں نے شیخ رشید کی کاکردگی کی قلعی کھول ڈالی

ریلوے مسافروں نے شیخ رشید کی کاکردگی کی قلعی کھول ڈالی

04:45 pm

کراچی (مانیٹرنگ ڈیسک) ایک طرف وفاقی وزیر برائے ریلوے شیخ رشید ہیں جو آئے روز میڈیا پر آکر اپنی کارکردگی کی زبانی جمع خرچ اور کامیابیاں گنواتے رہتے ہیں تو دوسری جانب مسافر ہیں اوراپنی پریشانیوں کا رونا روتے رہتے ہیں۔ نجی ٹی وی چینل پرنشرہونے والے ریلوے مسافروں کے سروے نے محکمے کی کاکردگی ،ٹرینوں اور ریلوے سٹیشنوں کی ناگفتہ بہ حالت اور مسافروں کی خجل خواری کا پتہ چلا لیا۔ سرو ے کے دوران مسافروں کا کہناتھا کہ کراچی سے لاہور آنے اور جانے والی ٹرینوں کا تاخیر سے آنا معمول بن چکا ہے۔ شیخ رشید سے باتیں جتنی مرضی کروا لولیکن انھیں گھنٹوں تاخیر سے آنے والی ٹرینوں کی شاید خود بھی خبر نہیں ہے۔
مسافروں نےمزید کہا کہ ٹرینوں کے اندر پنکھے تک نہیں ہیں جن سے گرمی میں گھنٹوں کا سفرعذاب بن جاتا ہے۔ ٹکٹ کےلئے جائیں تو معلوم ہوتا ہے کہ ٹکٹ جاری کرنےو الا ہی کائونٹر پر موجود نہیں ہے۔ کراچی کے ریلوے سٹیشن پر لگے گندگی کے انبار ایک اور بڑا مسئلہ ہیں جن سےمسافروں کو تعفن کا سامنا رہتا ہے۔ وفاقی وزیر ریلوے شیخ رشید کو چاہیے کہ وہ چین سے نئی ٹرینیں منگوا نے کی بجائے پہلے سے موجود ٹرینوں کی ہی حالت زار کو درست کرلیں۔

تازہ ترین خبریں