11:36 am
مولانا کے مارچ کا پلان حاصل کر لیا گیا ، 27اکتوبر کو ملک کے کس شہر سے مولانا مارچ کی قیادت کریں گے

مولانا کے مارچ کا پلان حاصل کر لیا گیا ، 27اکتوبر کو ملک کے کس شہر سے مولانا مارچ کی قیادت کریں گے

11:36 am

اسلام آباد (مانیٹرنگ ڈیسک)مولانا کے مارچ کا پلان حاصل کر لیا گیا ، 27اکتوبر کو ملک کے کس شہر سے مولانا مارچ کی قیادت کریں گے ، مولانا کی گرفتاری کب تک متوقع ہے ، ۔۔۔ مولانا فضل الرحمن نے 27 اکتوبر کو سکھر سے آزادی مارچ قافلے کی قیادت کا فیصلہ کرلیا،
اسلام آباد میں طویل دھرنے کا امکان نہیں۔ مولانا فصل الرحمان کے آزادی مارچ اور دھرنے کا تفصیلی پلان میڈیا نے حاصل کرلیا۔ ذرائع کا کہنا ہے کہ پنجاب، خیبر پختونخواہ اور بلوچستان میں تحریک انصاف کی حکومتیں ہونے کی وجہ سے مولانا فضل الرحمان کو مارچ کے آغاز میں ہی گرفتار کیا جا سکتا ہے جس سے مارچ متاثر ہوگا۔ سندھ میں پیپلز پارٹی کی حکومت ہونے سے جے یو آئی ف کے سربراہ کی گرفتاری کا کوئی امکان نہیں بلکہ سندھ حکومت سہولیات بھی فراہم کرے گی، یوں پنجاب میں داخل ہونے تک آزادی مارچ کا ماحول بن چکا ہوگا۔ ذرائع کا یہ بھی کہنا ہے کہ اسلام آباد پہنچنے کے بعد مولانا فضل الرحمان کا کسی طویل دھرنے کا امکان نہیں۔ مولانا کا کہنا ہے کہ وہ عمران خان کی طرح 126 دن کے دھرنے کے قائل نہیں، اسلام آباد پہنچ کر آئندہ کی حکمت عملی کا اعلان خود کروں گا، اگر مارچ کا راستہ رو کنے کی کوشش کی گئی تو احتجاج کا دائرہ کار پورے ملک تک پھیلا دیا جائے گا۔

تازہ ترین خبریں