06:25 pm
فضل الرحمان اور راچیف کی ملاقات کی تفصیلات جاننا چاہیں گے، علی محمد خان

فضل الرحمان اور راچیف کی ملاقات کی تفصیلات جاننا چاہیں گے، علی محمد خان

06:25 pm

اسلام آ باد (مانیٹرنگ ڈیسک)پاکستان تحریک انصاف کے مرکزی رہنما اور وفاقی وزیر برائے پارلیمانی امور علی محمد خان کہتے ہیں کہ مولانا فضل الرحمان کی بھارتی قومی سلامتی کے مشیر اجیت دوول کے ساتھ تصویر اصلی ہے یا نقلی ۔ اس حوالے سے جلد ہی حقائق سامنے آجائیں گے۔ اپنے ایک بیان میں علی محمد خان کاکہناتھا کہ فضل الرحمان کی تصویراصلی ہے تب بھی پتہ چل جائے گا ،نقلی ہے تب بھی معلوم ہوجائے گا۔ لیکن یہ بات واضح ہے
کہ اجیت دوول بھارت کا سب سے بڑا دہشتگرد اور کشمیریوں اور پاکستانیوں کا قاتل ہے۔ انھوںنے کہا کہ ایک تصویر گردش کرتی ہوئی دیکھی جا سکتی ہے جس میں فضل الرحمان اوررا چیف ایک ساتھ بیٹھے ہوئے ہیں۔ کیا یہ ملاقات پاکستان کے مفاد میں ہوسکتی ہے؟ ہم یہ جاننا چاہیں گے کہ اس ملاقات میں کیا بات چیت ہوئی۔ علی محمد خان نے مزید کہا کہ یہ بات بھی طے اور تسلیم شدہ ہے کہ مسئلہ کشمیر کی جد و جہد آزادی اور پاکستان کے اقدامات کو نقصان پہنچانے کی کوشش کی جا رہی ہے۔

تازہ ترین خبریں