06:11 pm
حریم شاہ کو وزارت خارجہ تک رسائی کس شخصیت نے دی ، انٹیلی جنس ادارے نے وزیراعظم کو نام بتادیا

حریم شاہ کو وزارت خارجہ تک رسائی کس شخصیت نے دی ، انٹیلی جنس ادارے نے وزیراعظم کو نام بتادیا

06:11 pm

اسلام آباد (نیوز ڈیسک)ٹک ٹاک سٹار حریم شاہ کی اعلیٰ سرکاری دفتر میں گھومنے کی ویڈیو نے سوشل میڈیا پر طوفان کھڑا کر دیا ،حریم شاہ نے دفتر میں گھومنے والی ویڈیو کے اوپر ایک گانالگا کر اُسے سوشل میڈیا پر وائرل کر دیا ، جس کو دیکھتے ہی حکومتی حلقوں میں ہلچل مچ گئی
۔ویڈیو میں حیران کن طورپر وہ ہمیشہ کی طرح اکیلی نہیں تھیں بلکہ ان کی ویڈیو کوئی بنا رہا تھا ،حریم شاہ نے وزیر خارجہ شاہ محمود قریشی کی اجلاس میں صدارت کرنے والی کرسی پر بھی انجوائے کیا،انہوں نے کانفرنس روم بھی دکھائے جہاں ملک کے اہم اور نازک ترین مسائل پر گفتگو ہوتی ہے ۔ویڈیو سوشل میڈیا پر وائرل ہوئی تو وزیراعظم ہاؤس نے اس کا نوٹس لے لیا جس پر دفتر خارجہ کے افسران میں کھلبلی مچ گئی اور تحقیقات شروع ہو گئیں کہ خاتون کو اتنی اہم وزارت کے دفتر کے میٹنگ روم تک رسائی کیسے حاصل ہوئی۔حریم شاہ جو اس سے قبل بھی کئی اہم لوگوں کیساتھ ویڈیو بنا چکی ہیں ،اس دفعہ ایک ایسی انہتائی اعلیٰ سرکاری دفتر میں ان کی موجودگی نے کئی سوالات کھڑے کر دئیے ،حریم شاہ کو اس اہم ترین سرکاری دفتر میں داخلہ کی اجازت کس نے اور کیوں دی ؟ذرائع کے مطابق توصیف عباس نامی شخصیت نے حریم شاہ کو وزارت خارجہ کے اندر تک رسائی دی ۔توصیف عباس وزارت خارجہ کے کوآرڈینٹر کی حیثیت سے کام کرتے ہیں۔ذرائع کے مطابق وزیر اعظم آفس نے اس پر ایکشن لیتے ہوئے فوری انکوائری کروانے کا حکم دیدیا ہے ۔

تازہ ترین خبریں