06:49 am
کراچی سے بھیجے گئے ڈاکٹر نے نواز شریف کے مرض کی تشخیص کرلی

کراچی سے بھیجے گئے ڈاکٹر نے نواز شریف کے مرض کی تشخیص کرلی

06:49 am

لاہور(نیوز ڈیسک )وزیراعظم عمران خان کی خصوصی ہدایت پر کراچی سے لاہور آنے والے ڈاکٹر طاہر شمسی نے نواز شریف کی بیماری کی تشخیص کرلی ہے۔ذرائع کے مطابق ڈاکٹر طاہر شمسی کو آغا خان ہسپتال کراچی سے نواز شریف کے علاج کے لیے لاہور لایا گیا۔ انہوں نے سابق وزیر اعظم میاں نواز شریف کی رپورٹس کا جائزہ لینے کے بعد ان کے مرض کی تشخیص کرلی ہے۔بتایا گیا ہے کہ نواز شریف کو “امیون تھرومبوسائیٹوپینیا” نامی بیماری ہے جس میں پلیٹلٹس کم ہو جاتے ہیں اور قوتِ مدافعت کم ہو جاتی ہے۔ اسپتال انتظامیہ کا کہنا ہے کہ یہ ایک قابل علاج مرض ہے۔خیال رہے کہ سابق وزیر اعظم نواز شریف منگل اور بدھ کی درمیانی شب نیب لاہور سے سروسز ہسپتال آئے تھے
جہاں ان کا علاج جاری ہے۔میڈیکل بورڈ کی جانب سے سابق وزیر اعظم کو بار بار پلیٹلٹس کی کِٹس لگائی گئیں لیکن ان کے پلیٹلٹس بار بار کم ہوتے جارہے ہیں جس کی وجہ سے ڈاکٹرز بھی پریشانی کا شکار تھے اور ان سے مرض کی تشخیص نہیں ہوپارہی تھی۔ تاہم اب نواز شریف کی بیماری کی تشخیص کر لی گئی ہے۔ڈاکٹر طاہر شمسی پاکستان میں بون میرو ٹرانسپلانٹ کے واحد ماہر ڈاکٹر ہیں۔ حکومت نے وائی ڈی اے چلڈرن ہسپتال کے صدر ڈاکٹر ناصر بخاری کو بون میرو ٹرانسپلانٹ کی ٹریننگ دی تھی لیکن وہ بھی اس لیول کے ڈاکٹر نہیں ہیں۔ اب ڈاکٹر طاہر شمسی نے نواز شریف کا علاج شروع کر دیا ہے۔