08:29 am
’’نواز شریف کی رہائی پکی ہو گئی ؟‘‘

’’نواز شریف کی رہائی پکی ہو گئی ؟‘‘

08:29 am


اسلام آباد (مانیٹرنگ ڈیسک)ملک ریاض کی اہم حکومتی شخصیت سے رات کے 2بجے ملاقات ، کیا ڈیل ہو چکی ہے ۔۔۔ سینئیر صحافی عارف حمید بھٹی نے انکشاف کیا ہے وزیراعظم عمران خان معاون خصوصی برائے احتساب اکبر اور معروف بزنس ٹائیکون ملک ریاض کے مابین لندن میں ملاقات ہوئی ہے۔نجی ٹی وی کے پروگرام میں گفتگو کرتے ہوئے انہوں نے کہا کہ شہزاد اکبر اور ملک ریاض کے مابین ملاقات لندن کے مہنگے ترین ہوٹل میں رات کے دو بجے ہوئی۔
عارف حمید بھٹی نے کہا یہ ملاقات کسی ڈیل یا ڈھیل کا اشارہ ہو سکتی ہے کیونکہ سابق وزیراعظم نواز شریف نے چئیرمین نیب کو ملک ریاض کے کہنے پر لگایا تھا۔آج شہباز شریف گلہ کر رہے ہیں۔عارف حمید نے مزید کہا کہ نواز شریف اور زرداری اسپتال میں ہیں اور ملک ریاض لندن میں بیٹھے ہیں۔صحافی نے یہ بھی سوال اٹھایا کہ شہزاد اکبر تو احتساب کی بات کرتے ہیں اور لوٹی ہوئی رقم ملک میں واپس لانے کی بات کرتے ہیں پھر یہ ملاقات کیوں ہو رہی ہے؟۔ انہوں نے یہ بھی سوال اٹھایا کہ آخر شہزاد اکبر اتنے مہنگے ہوٹل کے اخراجات کیسے برداشت کر رہے ہیں کیا یہ سب سرکاری اخراجات پر ہو رہا ہے؟۔خیال رہے کہ سابق وزیراعظم نواز شریف اس وقت سروسز اسپتال میں زیر علاج ہیں۔خبریں آ رہی ہیں کہ نواز شریف کو بیرون ملک علاج کے لیے بھیجا جا سکتا ہے۔نواز شریف کے قریبی حلقوں نے اس بات کی تصدیق کی ہے کہ نوازشریف کے علاج کے حوالے سے باقاعدہ سنجیدگی سے اس پر کام شروع ہو گیا کہ نوازشریف کا علاج پاکستان کی بجائے بیرون ملک سے کروایا جائے اور اس کے لیے نوازشریف کی قانونی ٹیم سے بھی مشاورت کی گئی ہے ۔ذرائع نے بتایا کہ اس بات کا قوی امکان ہے کہ نوازشریف کی قانونی ٹیم جلد اس حوالے سے عدالت سے رجوع کر سکتی ہے ۔ موجودہ صورتحال کے حوالے سے ان کے بیرون ملک جو معالج ہیں ان سے بھی مشاور ت کا عمل شروع ہو چکا ہے ۔