02:00 pm
سابق وزیراعظم کا علاج کہاں ہوگا ،انتظامات مکمل کرلیے گئے

سابق وزیراعظم کا علاج کہاں ہوگا ،انتظامات مکمل کرلیے گئے

02:00 pm

لندن(ویب ڈیسک )سابق وزیراعظم اورمسلم لیگ ن کے قائد میاں نواز شریف کے لندن میں علاج کے لیے انتظامات مکمل کرلیے گئے ۔لندن کے ہارلے سٹریٹ کلینک میں علاج ہوگا۔نجی خبررساں ادارے کے مطابق نوا زشریف کے صاحبزادے حسن نواز اورحسین نواز نے لندن میں تمام انتظامات مکمل کرلیے ہیں
،ماہرڈاکٹرز سے معائنے کے لیےوقت حاصل کرلیاگیاہے ۔نواز شریف کےلندن پہنچتے ہی انہیں ہسپتال منتقل کردیاجائیگا۔ذرائع کے مطابق نواز شریف کولندن لے جانے کے لیے ائیرایمبولینس کی بکنگ کاعمل بھی جاری ہے ،ائیرایمبولینس کے لیے کاغذی کارروائی مکمل کی جارہی ہے ،ابھی صرف وزارت داخلہ کی طرف سے نواز شریف کانام ای سی ایل سے نکالنے کاانتظارکیاجارہاہے۔ذرائع کے مطابق حسین نواز نے اپنی بہن مریم نواز کو ٹیلیفون کیا ہے، ٹیلیفون کے دوران مریم نواز کا کہنا تھا کہ نواز شریف کی باہر جانے کی تیاری مکمل ہے۔ سامان تیار ہوگیا ہے، میں نے کمپنی سے رابطہ کر لیا ہے، کلیرنس سرٹفیکٹ جلدی آجائے گا۔