12:10 pm
 رولز آف لاء سے کسی صورت پیچھے نہیں ہٹیں گے: وزیراعظم عمران خان

رولز آف لاء سے کسی صورت پیچھے نہیں ہٹیں گے: وزیراعظم عمران خان

12:10 pm

اسلام آباد (نیوز ڈیسک ) وزیراعظم عمران خان نے کہا ہے کہ رولز آف لاء سے کسی صورت پیچھے نہیں ہٹیں گے، این آر او مانگنے والے احمقوں کی جنت میں رہتے ہیں۔وزیراعظم عمران خان سے بابر اعوان نے ملاقات کی جس میں نواز شریف کے ای سی ایل کیس سمیت آئینی قانونی اور سیاسی امور پر مشاورت کی گئی۔ اس موقع پر وزیراعظم عمران خان نے دوٹوک الفاظ میں کہا ادارے پاکستان کو مضبوط رکھنے کے لئے ایک پیج پر ہیں،
ملک میں انصاف کا بول بالا چاہتے ہیں، احتساب ہی ہمیشہ پہلی ترجیح رہے گی۔ عمران خان کا کہنا تھا کرپشن ریاست کے لئے دیمک ہے، اداروں کی تعمیر نو اور مضبوطی کے بغیر کام نہیں چلے گا، عوامی ریلیف کے لئے اس ماہ بڑے ایکشن سامنے آئیں گے۔ انہوں نے کشمیر سے متعلق کہا کشمیر شہ رگ ہے اور آزادی کشمیریوں کی منزل ہے، میڈیا قوم کی تعلیم و تربیت کا فرض ادا کرے، اصلاحاتی ایجنڈے کے تحت ادارے مضبوط ہو رہے ہیں۔

تازہ ترین خبریں