07:51 am
4 ماہ میں 2 ارب 10 کروڑ ڈالر کا غیر ملکی قرض واپس کیا: مشیر خزانہ

4 ماہ میں 2 ارب 10 کروڑ ڈالر کا غیر ملکی قرض واپس کیا: مشیر خزانہ

07:51 am

اسلام آباد (نیوز ڈیسک ) مشیر خزانہ ڈاکٹر عبد الحفیظ شیخ کا کہنا ہے کہ 4 ماہ میں دو ارب 10 کروڑ ڈالر کا غیر ملکی قرض واپس کیا۔سینئر صحافیوں کیساتھ ملاقات کے دوران مشیر خزانہ کا کہنا تھا کہ رواں مالی سال ٹیکس آمدن میں 16 فیصد اضافہ ہوا، چار ماہ میں کرنٹ اکاؤنٹ خسارہ کم ہو رہا ہے، رواں مالی سال برآمدات میں 4 فیصد اضافہ ہوا ہے۔حفیظ شیخ کا کہنا تھا کہ کفایت شعاری سے مالیاتی خسارہ کم کیا،
اسٹیٹ بنک سے قرضے لینے کا سلسلہ رک گیا ہے، 4 ماہ میں دو ارب 10 کروڑ ڈالر کا غیر ملکی قرض واپس کیا۔ان کا کہنا تھا کہ حکومت 250 ارب روپے لے کر سرکلر ڈیٹ اتارے گی، آئندہ سال دسمبر تک سرکلر ڈیٹ ختم کر دیا جائے گا، سٹیٹ بینک برآمدی شعبے کے لیے قرض کا حجم بڑھائے۔مشیر خزانہ کا کہنا تھا کہ شرحِ منافع طے کرنے کا اختیار اسٹیٹ بینک کو ہے، سٹیٹ بینک، ایس ای سی پی خود مختار فیصلے کرتے ہیں۔

تازہ ترین خبریں