06:26 pm
پاکستان میں یورو 5 پیٹرول متعارف کروانے کا فیصلہ، گاڑیوں کیلئے درکار ایندھن کی قیمت میں بھی اضافہ ہو جائے گا،

پاکستان میں یورو 5 پیٹرول متعارف کروانے کا فیصلہ، گاڑیوں کیلئے درکار ایندھن کی قیمت میں بھی اضافہ ہو جائے گا،

06:26 pm

لاہور(مانیٹرنگ ڈیسک ) پاکستان میں یورو 5 پیٹرول متعارف کروانے کا فیصلہ، گاڑیوں کیلئے درکار ایندھن کی قیمت میں بھی اضافہ ہو جائے گا، پاکستان میں اس وقت استعمال ہونے والا یورو 2 پیٹرول معیار میں کم ہونے کے ساتھ ساتھ قیمت میں بھی کم ہے، جبکہ یورو 5 پیٹرول کی قیمت زیادہ ہوتی ہے۔ تفصیلات کے مطابق پاکستان میں 2020 تک یورو 5 پیٹرول متعارف کروانے کا اعلان کیا گیا ہے۔ تاہم ماہرین کا کہنا ہے کہ
یورو 5 پیٹرول معیار میں تو یقینی طور پر بہت ہی بہترین اور ماحول دوست ہے، لیکن اس کی قیمت پاکستان میں استعمال ہونے والے موجودہ یورو 2 پیٹرول کے مقابلے میں بہت زیادہ ہوگی۔ پاکستان میں اس وقت یورو 2 پیٹرول کی قیمت بھی بہت زیادہ ہے۔ جبکہ اگر پاکستان میں ڈالر کی قیمت میں خاطر خواہ کمی نہیں آتی اور اس صورتحال میں یورو 5 پیٹرول متعارف کروایا جاتا ہے، تو ایسے میں ملک میں مہنگائی کا نیا طوفان آنے کا خدشہ ہو گا۔ یورو 5 پیٹرول کے حوالے سے ماہرین نے بتایا ہے کہ دنیا تو اب یورو 6 پیٹرول کے استعمال تک پہنچ گئی ہے، جبکہ پاکستان میں آج بھی انتہائی غیر معیاری یورو 2 پیٹرول استعمال ہو رہا ہے۔ تکنیکی ماہرین کا بتانا ہے کہ یورو 1 وہ معیار ہوتا ہے جس میں سلفر کی مقدار ایک ہزار پارٹس فی ملین ہوتی ہے۔ یورو 2 میں مقدار 500 پی پی ایم، یورو تھری میں تین سو پچاس، یورو فور میں پچاس جبکہ یورو فائیو اور یوروسکس میں، سلفر صرف دس پی پی ایم رہ جاتا ہے۔ یورو ون پٹرول جولائی 1992ء میں متعارف کرایا گیا تھا اور پاکستان میں یہ پیٹرول دہائیوں تک یعنی 2017 تک استعمال کیا جاتا رہا۔ مزید بتایا گیا ہے کہ یورو 5 کی نسبت، خطرناک کیمیکلز پرمشتمل، یورو 2 کے استعمال سے گاڑیوں کے انجن وقت سے پہلے زندگی پوری کرلیتے ہیں۔ یورو ٹو کےباعث گاڑیوں سے نکلتا خطرناک سیاہ دھواں، ایک نہیں، کینسر سمیت درجنوں جان لیوا بیماریوں کا باعث ہے۔

تازہ ترین خبریں