07:26 am
دسمبر تحریک انصاف کی حکومت کا آخری مہینہ ہے، فضل الرحمن

دسمبر تحریک انصاف کی حکومت کا آخری مہینہ ہے، فضل الرحمن

07:26 am

کوئٹہ (نیوز ڈیسک) امیر جمعیت علمائے اسلام ف مولانا فضل الرحمان نے دسمبر تک تحریک انصاف کی حکومت کے خاتمے کا دعویٰ کرتے ہوئے کہا ہے کہ ہمیں اقتدار پر قابض مافیا سے جان چھڑانی ہوگی۔موجودہ حکمران اقتدار چھوڑیں اور پاکستان سے باہر جا کر عیاشیاں کریں۔
میڈیا سے گفتگو کرتے ہوئے انہوں نے کہاکہ جمعیت علمائے اسلام کا دھرناتاریخی ایونٹ تھا،انہوں نے کہا کہ ملکی حالات بدحالی کی طرف جا رہے ہیں اور بحران میں اضافہ ہوا۔حکومت کیخلاف ہمارے مظاہرے پورے ملک میں جاری رہے گے۔ ان کا دعویٰ تھا کہ پانامہ بین الاقوامی دباؤ تھا جسے سیاسی قیادت کے خلاف استعمال کیا گیا،پانامہ ایک سازش تھی۔ حکومت کوایجنٹ بنا کر سی پیک میں بگاڑ پیدا کرنے کیلئے بھیجا گیا۔مولانا فضل الرحمان نے کہا کہ میثاق جمہوریت ایک سنجیدہ دستاویزہے۔ حکومت قابل نہیں کہ کوئی میثاق کیا جائے۔میثاق جمہوریت کو بہتر لوگ ہی بہتر بنا سکتے ہیں۔ انہوں نے کہا کہ نواز شریف کی ملک واپسی کا تعلق صحت کی بہتری پر ہے۔یادرہے اس سے قبل بھی تحریک انصاف کی حکومت کادعویٰ کر چکے ہیں اور حکومت کے خاتمے کیلئے مارچ بھی کیا۔واضح رہےجمیعت علماء اسلام(ف) نے 8 دسمبر کو پلان سی شروع کرنے کا فیصلہ کرلیا ہے، پشاور میں آزادی مارچ کے تحت بڑا احتجاجی مظاہرہ کیا جائے گا، اپوزیشن جماعتوں کے قائدین احتجاجی مظاہرے سے خطاب کریں گے،مولانا فضل الرحمان نے کہا کہ مطالبات پورے نہ ہوئے توسخت فیصلے کریں گے۔جمعیت علماء اسلام خیبر پختونخوا کی مجلس عاملہ آور وسطیٰ اضلاع نوشہرہ صوابی مردان پشاور چارسدہ مہمند خیبر باجوڑ ایف آر پشاور اور کوہاٹ کے امراء و نظماء کا اجلاس صوبائی سیکرٹریٹ پشاور میں صوبائی امیر مولانا عطاء الرحمن کی صدارت میں منعقد ہوا۔ اجلاس میں اضلاع میں جاری آذادی مارچ کی تحریک اور آئندہ کے لائحہ عمل پر غور و خوض کرتے ہوئے فیصلہ کیا گیا کہ 8دسمبر کو پشاور میں آزادی مارچ کے پلان سی کے تحت بہت بڑا احتجاجی مظاہرہ کیا جائے گا۔تاہم اب مولانا فضل الرحمان کا حکومت کے خاتمے کادعویٰ اسی سلسلے کی ایک کڑی لگتی ہے۔