10:28 am
فواد چوہدری نئی نوکری کی تلاش میں ، بہت بڑا دعویٰ سامنے آگیا

فواد چوہدری نئی نوکری کی تلاش میں ، بہت بڑا دعویٰ سامنے آگیا

10:28 am

لاہور(مانیٹرنگ ڈیسک)فواد چوہدری نئی نوکری کی تلاش میں ، بہت بڑا دعویٰ سامنے آگیا ۔۔ سینئر تجزیہ کاراسد کھرل نے نجی ٹی وی پر ٹاک شو کے دوران گفتگو کرتے ہوئے کہا کہ فواد چودھری اگلے گھر اور اگلی نوکری کی تلاش میں ہیں۔تفصیل کے مطابق سینئر تجزیہ کار اسد کھرل کا کہنا ہے کہ عمران خان کے قریبی ساتھی نے بتایا ہے کہ فواد چودھری کاکہنا ہے عمران خان جا رہے ہیں۔ جس پر درعمل دیتے ہوئے
سینئر تجزیہ کار بابر ڈوگر نے کہا کہ اداروں کے بجائے عمران خان کو فواد چودھری سے بات کرنے کی ضرورت ہے۔ یاد رہے کہ وفاقی وزیر سائنس اینڈ ٹیکنالوجی فواد چودھری میڈیا پر بھی حکومتی پالیسی سے ہٹ کر بیان جاری کرتے رہے ہیں۔اس سے قبل نوازشریف کی لندن روانگی سے متعلق بھی وفاقی وزیر سائنس اینڈ ٹیکنالوجی فواد چودھری نے حکومتی پالیسی سے ہٹ کر لاہور ہائیکورٹ کا فیصلہ فوری طور پرسپریم کورٹ میں فیصلہ چیلنج کرنے کا کہاتھا ،تاہم کابینہ نے نوازشریف کو باہر جانے کی اجازت دیدی تھی۔ واضح رہے فواد چودھری نے 400 محکمے ختم کرنے کا عندیہ بھی دیا تھا ۔ وفاقی وزیرسائنس اینڈ ٹیکنالوجی فواد چودھری نے کہا تھا کہ ہرشخص سرکاری نوکری ڈھونڈ رہا ہے، لیکن حکومت تو 400 ادارے ختم کررہی ہے۔انہوں نے ایک تقریب سے خطاب کرتے ہوئے کہا تھا کہ یہ 70ء کی دہائی کی سوچ تھی کہ نوکریوں کیلئے حکومت کی طرف دیکھا جائے۔ نوکریاں دیں گے تو معیشت بیٹھ جائے گی۔ان کا کہناتھا کہ لوگوں کے ذہنوں میں ڈالنا بہت ضروری ہے کہ حکومت کی طرف نوکریوں کیلئے نہیں دیکھا جاسکتا۔ نوکریاں حکومت نہیں پرائیویٹ سیکٹر دیتا ہے۔ دوسری جانب وفاقی وزیر سائنس اینڈ ٹیکنالوجی فواد چودھری نے نوکریوں سے متعلق اپنے بیان کو سیاق واسباق سے ہٹ کرقرار دیدیاتھا۔

تازہ ترین خبریں