01:37 pm
شہباز شریف کے تمام اثاثے منجمد کرنےکے احکامات جاری

شہباز شریف کے تمام اثاثے منجمد کرنےکے احکامات جاری

01:37 pm

لاہور(نیوز ڈیسک)نیب لاہور نے شہباز شریف کے تمام اثاثے منجمد کرنے کے احکامات جاری کردیے۔ نیب ذرائع کے مطابق نیب لاہور نے سابق وزیراعلیٰ پنجاب شہباز شریف کے تمام اثاثے منجمد کرنے کے احکامات جاری کردیے ہیں،
منجمد کیے جانے والے اثاثوں میں لاہور کی 96 ایچ اور 86 ایچ ماڈل ٹاؤن کی پراپرٹی سمیت ایبٹ آباد ڈانگہ گلی میں 9 کنال کا پلاٹ اور ہرہ پور میں 2 پراپرٹیاں شامل ہیں۔ اس کے علاوہ جوہر ٹاؤن میں 13 پراپرٹیاں، چنیوٹ میں 2 پراپرٹیاں اور ڈیفنس فیز 5 لاہور میں پلاٹ بھی شامل ہیں۔واضح رہے کہ 17جولائی کو نیب نے سابق وزیر اعلیٰ پنجاب شہباز شریف کی جائیدادیں منجمد کرنے کا خط جاری کیا تھا۔کہ نیب نے شہباز شریف کی 32 منقولہ اور غیر منقولہ جائیدادیں منجمد کرنے کی ہدایت کی تھی۔۔ نیب نے شہباز شریف کی 3 جائیدادیں منجمد کرنے کے لیےڈی سی ہری پور کو ہدایت کی تھی۔نیب نے ڈی جی ایکسائز پنجاب کو شہباز شریف کی 2 گاڑیاں منجمد کرنے کی بھی ہدایت کی تھی۔نیب نے شہباز شریف کے دو پلاٹس منجمد کرنے کے لیے سیکرٹری ماڈل ٹاؤن سوسائٹی کو بھی خط لکھا تھا۔

تازہ ترین خبریں