02:54 pm
کیاملک ریاض کی برطانیہ میں واقعی جائیدادضبط ہوئی ۔۔بزنس ٹائیکون نے خودہی حقیقت سے پردہ اٹھادیا

کیاملک ریاض کی برطانیہ میں واقعی جائیدادضبط ہوئی ۔۔بزنس ٹائیکون نے خودہی حقیقت سے پردہ اٹھادیا

02:54 pm

لندن(ویب ڈیسک)میڈیاپراچانک خبرگرم ہوئی کہ برطانیہ میں قائم نیشنل کرائم ایجنسی اورپاکستانی کاروباری شخصیت کے درمیان سیٹلمنٹ ہوگئی ہے اوراین سی اے نے پاکستانی شخصیت کی 190ملین پائونڈ کی پیش کش قبول کرلی ہے جبکہ یہ رقم پاکستان کوواپس کی جائیگی تاہم اب اس معاملے پربحریہ ٹائون کے بانی ملک ریاض خودمیدان میں آگئے اوراصل حقیقت سے پردہ اٹھادیا۔انہوں نے ٹویٹر پر اس معاملے کی
تفصیلات فراہم کرتے ہوئے کہا کہ ”کچھ عادت سے مجبور لوگ نیشنل کرائم ایجنسی کی رپورٹ کو 180 ڈگر پر گھما کر پیش کر رہے ہیں تاکہ مجھ پر کیچڑ اچھال سکیں ، میں نے بحریہ ٹاؤن کراچی سے متعلق معاملے میں سپریم کورٹ کو 190 ملین پاؤنڈ کی ادائیگی کیلئے برطانیہ میں اپنی قانونی اور ظاہر کی ہوئی جائیدا د فروخت کی ہے ۔ملک ریاض کا کہناتھا کہ نیشنل کرائم ایجنسی کی پریس ریلیز کہتی ہے کہ یہ سول معاملہ ہے اوریہ کسی قسم کی خلاف ورزی کو ظاہر نہیں کرتا ،میں ایک با فخر پاکستانی ہوں اور میں اپنی آخری سانس تک رہوں گا ، پاکستان زندہ باد ۔یاد رہے کہ میڈیا میں چلنے والی خبروں میں دعویٰ کیا گیا کہ نیشنل کرائم ایجنسی نے ملک ریاض کی 50 ملین پاونڈ کی جائیداد ضبط کی ہے جبکہ 140 ملین پاونڈ کیش کی صورت ٰمیں اکاونٹس میں موجود تھے تاہم اب بحریہ ٹاون کے بانی ملک ریاض نےاس معاملے پر خود میدان میں آتے ہوئے وضاحت جاری کر دی ہے۔

تازہ ترین خبریں