08:14 am
وزیرِ اعظم عمران خان کا دورہ سعودی عرب ملتوی

وزیرِ اعظم عمران خان کا دورہ سعودی عرب ملتوی

08:14 am


اسلام آباد: وزیرِ اعظم عمران خان کے دورہ سعودی عرب کے شیڈول میں تبدیلی کی گئی ہے، وزیرِ اعظم عمران خان نے آج ساڑھے 9 بجے سعودی عرب روانہ ہونا تھا. ذرائع کا کہنا ہے کہ گزشتہ رات بھی وزیر اعظم عمران خان کے دورہ سعودی عرب کے شیڈول میں تبدیلی کی گئی تھی‘وزیرِ اعظم عمران خان نے گزشتہ روز لاہور کے پنجاب انسٹی ٹیوٹ آف کارڈیالوجی میں ہنگامہ آرائی کے حوالے سے آج اسلام آباد میں اجلاس طلب کر لیا.
 
وزیرِ اعظم عمران خان نے واقعے میں ملوث ذمہ داروں کا فوری تعین کرکے کارروائی کرنے کا حکم دے دیااور کہا ہے کہ کسی کو قانون ہاتھ میں لینے نہیں دیں گے‘لاہور واقعے پر طلب کیے گئے اجلاس میں شرکت کے لیے وزیرِ اعلیٰ پنجاب سردار عثمان بزدار اسلام آباد پہنچ گئے ہیں. انہوں نے کہا کہ پنجاب انسٹی ٹیوٹ آف کارڈیالوجی میں ہنگامہ آرائی کرنے والے عناصر سزا سے بچ نہیں پائیں گے، ہنگامہ آرائی اور تشدد کے ذمے داروں کے خلاف قانون اپنا راستہ لے گا‘دوسری جانب وزیرِ صحت پنجاب ڈاکٹر یاسمین راشد نے پی آئی سی کا دورہ کیا ہے اور ہسپتال انتظامیہ اور عملے سے مذاکرات کیے. صحافیوں سے غیر رسمی گفتگو کرتے ہوئے وزیرِ صحت پنجاب کا کہنا تھا کہ حکومت ڈاکٹرز کو مکمل سپورٹ کرے گی، وکلاءنے ہسپتال پر حملہ کر کے ظلم کیا، حملے کے ذمے داروں کو ضرور سزا ملے گی‘واضح رہے کہ گزشتہ روز وکلاءنے لاہورمیں دل کے ہسپتال پنجاب انسٹی ٹیوٹ آف کارڈیالوجی پر حملہ کر دیا تھا اور وہاں توڑ پھوڑ کی تھی، عملے کو بھی مارا پیٹا تھا، صحافیوں سے بھی بدتمیز اور مار پیٹ کی، باہر کھڑی گاڑیوں کے شیشے توڑ دیے، پولیس اہلکاروں کو بھی زدو کوب کیا اور ان پر پتھراﺅ کیا. اس صورت حال کے باعث ڈاکٹر ہسپتال سے اپنی جانیں بچاتے ہوئے بھاگ گئے تھے، جبکہ کئی مریض بروقت طبی امداد نہ ملنے کے باعث چل بسے‘پنجاب انسٹی ٹیوٹ آف کارڈیالوجی میں کل کے واقعے کے خلاف ڈاکٹروں اور عملے کے احتجاج کے باعث آج آﺅٹ ڈور، اِن ڈور اورایمرجنسی مکمل طور پر بند ہے،جبکہ کسی بھی ناخوش گوار واقعے سے نمٹنے کے لیے پولیس کی بھاری نفری نے ہسپتال کو گھیرے میں لے رکھا ہے.