07:24 pm
سائنسدان کوروناوائرس پر تحقیق کریں اور بہترین آئیڈیاز لے کر ہمارے پاس آئیں، حکومت پاکستان

سائنسدان کوروناوائرس پر تحقیق کریں اور بہترین آئیڈیاز لے کر ہمارے پاس آئیں، حکومت پاکستان

07:24 pm



اسلام آباد(نیوز ڈیسک)معاون خصوصی برائے صحت ڈاکٹر ظفر مرزا نے کہا ہے کہ حکومت نے پاکستانی سائنسدانوں کو کورونا پر ریسرچ کی دعوت دے دی، منصوبے کی تکمیل کیلئے 50 لاکھ سے ایک کروڑ روپے دیے جائیں گے، بہترین آئیڈیاز دینے والوں کی مدد کی جائے گی، تمام لوگ3 اپریل تک اپنی تجاویز ایچ ای سی کو بھجوائیں۔ انہوں نے قومی سلامتی کے مشیر معید یوسف اور چیئرمین این ڈی ایم اے لیفٹیننٹ جنرل محمد افضل کے ہمراہ پریس کانفرنس کرتے ہوئے بتایا کہ پاکستان میں گزشتہ 24 گھنٹوں میں 99 کورونا کیسز سامنے آئے،
ملک میں 24 گھنٹوں میں کورونا کیسز کی تعداد گزشتہ روزسے کم ہیں۔اسی طرح 5 اموات ہوئیں۔ جس کے ساتھ ملک بھر میں کورونا مریضوں کی تعداد 1625ہوگئی ہے۔ ابھی تک 21 اموات ہوچکی ہیں۔پاکستان میں32 افراد صحت یاب ہوچکے ہیں۔ ہسپتالوں میں 783 میں سے 773 افراد کی حالت بہترہے جلد صحت یابی متوقع ہے۔ آنے والے دنوں میں صحت یاب ہونے والوں کی تعداد میں اضافہ ہوگا۔ اسی طرح ہسپتالوں میں 10 کی حالت تشویشناک ہے۔ ڈاکٹر ظفر مرزا نے کہا کہ حکومت نے کورونا وائرس سے نمٹنے کیلئے ریسرچرز کے آئیڈیاز اور صلاحیتوں سے فائدہ اٹھانے کا فیصلہ کیا ہے۔ایچ ای سی کے پروگرام  میں کورونا پر ریسرچ کی دعوت دے رہے ہیں۔ بہترین آئیڈیاز بھیجنے والوں کوبلایا جائے گا اور کام کرنے کا کہا جائےگا۔ حکومت پاکستان مدد کرے گی کہ آئیڈیا زکومزید بہتر کیا جائے۔ منصوبے پر 50 لاکھ سے ایک کروڑ روپے تک دیے جائیں گے۔ اس منصوبے میں دلچسپی لینے والے3 اپریل تک اپنی تجاویز ایچ ای سی کوبھیج سکتے ہیں۔ اس موقع پر چیئرمین این ڈی ایم اے لیفٹیننٹ جنرل محمد افضل نے کہا کہ اولین ترجیح میڈیکل ٹیموں کے لیے سامان کی فراہمی ہے۔گلگت بلتستان اور آزاد کشمیر کو5 ہفتوں کیلئے سامان دے دیا گیا ہے۔ سرگودھا کی لیبارٹریزکی ایوی لیوایشن جاری ہے، وہاں بھی ٹیسٹنگ شروع ہوجائے گی۔ سندھ حکومت کو20 ہزار، پنجاب کو5 ہزارٹیسٹنگ کٹس دی گئیں ہیں۔ پاکستان میں کورونا ٹیسٹنگ کی استعداد بڑھا رہے ہیں۔ اگلے تین دن میں 4 سے5 فلائٹس چین جائیں گی ۔ بیجنگ سے آنے والے سامان میں 100واک تھرو تھرمل اسکین ہیں۔انہوں نے کہا کہ6 اپریل سے پہلے پہلے ایک لاکھ تک حفاظتی کٹس پہنچ جائیں گی۔ 1200 سے 1500 کے درمیان وینٹی لیٹرز ہمارے پاس موجود ہوں گے۔ اس موقع پر قومی سلامتی کے مشیر معید یوسف نے بتایا کہ پروازوں کی بحالی سے متعلق غور ہو رہا ہے ابھی کوئی فیصلہ نہیں ہوا۔ یہ بات درست نہیں کہ 4 اپریل کے بعد تمام ایئرپورٹس پر پروازیں بحال ہوجائیں گی۔5 اپریل سے ائیرپورٹ کھولنے کی بات درست نہیں۔ اندرون ملک بھی تمام پروازیں بند ہیں اور بند رہیں گی۔ انہوں نے کہا کہ دنیا کے کسی ایئرپورٹ پر پاکستانی مسافر پھنسے ہوئے نہیں ہیں۔ تھائی لینڈ سے تمام مسافر واپس آچکے ہیں،یہ تمام مسافرکلیئر ہیں۔