11:06 am
ایک اور بڑا استعفیٰ آگیا

ایک اور بڑا استعفیٰ آگیا

11:06 am

اسلام آباد(مانیٹرنگ ڈیسک)سیکرٹری بلوچستان اسمبلی صفدر حسین نے اپنے عہدے سے استعفیٰ دے دیا۔نجی ٹی وی کے مطابق سیکرٹری اسمبلی نے استعفیٰ کی کاپی سپیکر بلوچستان اسمبلی کو بھجوا دی۔ انہوں نے استعفیٰ میں ناگزیر وجوہات کا ذکر کیا ہے۔ انہوں نے یکم اپریل سے استعفیٰ ایک ماہ کے نوٹس پر دیا ہے۔یاد رہے کہ گزشتہ روز وفاق اور پنجاب میں بھی بڑے پیمانے پر اکھاڑ پچھاڑ کی گئی تھی۔واضح رہے کہ گزشتہ روز فاقی کابینہ میں بڑے پیمانے پر ردوبدل کردی گئی ہے،
جس کے تحت چیئرمین کشمیر کمیٹی سید فخرامام کو وفاقی وزیر برائے غذائی تحفظ بنادیاگیا ہے، خسروبختیار کو وفاقی وزیر برائے اقتصادی امور ڈویژن مقرر کردیاگیا ہے جب کہ حماد اظہر کو وفاقی وزیر صنعت بنادیاگیا۔ذرائع کے مطابق اعظم سواتی وفاقی وزیربرائے انسداد منشیات مقرر کیا ہے اور ارباب شہزاد کو مشیر برائے اسٹیبلشمنٹ کے عہدہ سے ہٹادیا گیا ہے اور بابر اعوان مشیر برائے پارلیمانی امور بنا دیا گیا ہے، امین الحق وفاقی وزیر برائے ٹیلی کام مقرر کیا گیا ہے۔وزیراعظم عمران خان نے ایم کیو ایم پاکستان کے خالد مقبول صدیقی کا استعفیٰ منظور کرلیا ہے، جب کہ وزیراعظم نے ہاشمی پوپلزئی کو سیکرٹری نیشنل فوڈ سیکیورٹی کے عہدہ سے ہٹادیا گیا گیا ہے اور عمرحمید سیکرٹری نیشنل فوڈ سیکیورٹی مقرر کئے گئے ہیں۔

تازہ ترین خبریں