صحتیاب ہونے والے 56 سالہ شخص کا کہنا ہے کہ میرا بیٹا انگلینڈ سے پاکستان آیا جوکہ وائرس سے متاثر تھا۔پاکستان آمد کے بعد اس نے کورونا کا ٹیسٹ کرایا جو کہ مثبت نکلا بعد ازاں اہلخانہ کے دیگر افراد کے بھی کورونا ٹیسٹ کروائے گئے جو کہ مثبت آئے۔انہوں نے بتایا کہ تمام متاثرہ افراد نے خود کو الگ الگ جگہوں پر گھروں میں سیلف آئسولییٹ کرلیا۔گھر سے باہر آنے جانے پر پابندی لگا دی گئی اور آپس میں چھ فٹ کا فاصلہ بھی برقرار رکھا گیا۔انہوں نے مزید بتایا کہ کورونا وائرس سے لاحق ہونے سے قبل کوئی خاص علامات واضح نہیں ہو ئی۔ڈائریا ہوا جس کے بعد نزلہ ہوا جب کہ جسم کا درجہ حرارت 90 تھا اور جو میرا بیٹا انگلینڈ سے آیا تھا اس کا درجہ حرارت 100سے زائد تھا۔صحت یاب ہونے والے شخص نے مزید بتایا کہ انہوں نے دن میں دو مرتبہ پیناڈول اور ایک ریجکس گولی کا استعمال کیا۔اور مدافعتی نظام کو مضبوط کرنے کے لیے کینو، لیموں سمیت کھجورکھائی۔دن میں چار مرتبہ بھاپ لیتا رہا۔پندرہ دن بعد11 افراد میں سے چھ افراد صحت یاب ہوگئے جبکہ باقی پانچ افراد کے ٹیسٹ ہونا باقی ہیں۔انہوں نے یہ بھی بتایا کہ کورونا وائرس سے ہمارے خاندان کی ڈیڑھ ماہ کی بچے بھی متاثر ہوئی جو صحتیاب ہو گئی۔جب کہ دوسری جانب بتایا گیا ہے کہؤ، کراچی کی 11 یونین کونسلز سیل، ڈپٹی کمشنر کی ہدایت پر رینجرز اور پولیس کی بھاری نفری نے مختلف علاقوں کی 11 یونین کونسلز کو سیل کردیا۔سیل کی گئی یوسیزمیں یوسی 6 گیلانی ریلوے، یوسی 7 ڈالمیا، یوسی 8 جمال کالونی، یوسی 9 گلشن 2، یوسی 10 پہلوان گوٹھ، یوسی 12 گلزار ہجری، یوسی 13 صفورا، یوسی فیصل کینٹ، یوسی 2 منظور کالونی، یوسی9جیکب لائن اوریوسی10جمشیدکوارٹرز شامل ہیں۔ ڈپٹی کمشنر شرقی احمد علی کے مطابق مذکورہ یوسیز میں 150 سے زائد کیسز رپورٹ ہوئے اسی وجہ سے انہیں سیل کرنے کا فیصلہ کیا گیا، مذکورہ یوسیز کے تمام رہائشیوں کا ٹیسٹ کیا جائے گا اور صورت حال بہتر ہوتے ہی پابندی اٹھا لی جائے گی۔ انہوں نے بتایا کہ ’ان یوسیز میں اشیائے خوردو نوش اور ادویات کی ترسیل جاری رہیگی، کوشش کریں کے گیمریض کو گھر پر رکھیں اگرممکن نہ ہوسکا تو اسے قرنطینہ منتقل کریں گے۔