01:54 pm
فیصل آباد، احساس کفالت پروگرام سے دھوکہ دہی کرکے رقم سے کٹوتی کرنیوالے دو بھائی گرفتار

فیصل آباد، احساس کفالت پروگرام سے دھوکہ دہی کرکے رقم سے کٹوتی کرنیوالے دو بھائی گرفتار

01:54 pm

فیصل آباد (آن لائن )اسسٹنٹ کمشنر سٹی سید ایوب بخاری نے وزیراعظم احساس کفالت پروگرام سے دھوکہ دہی کرکے رقم سے کٹوتی کرنیوالے دو بھائیوں کو پکڑ کر تھانہ جھنگ بازار پولیس کے حوالے کردیا ، پولیس نے پکڑے جانیوالے جعلساز بھائیوں مسعود اور بلال کیخلاف دھوکہ دہی اور امانت میں خیانت کرنے کے الزام میں مقدمہ درج کرکے تفتیش شروع کردی
، تفصیل کے مطابق اسسٹنٹ کمشنر سٹی سید ایوب بخاری احساس کفالت پروگرام کے تحت غریب اور مستحق خواتین میں امدادی رقوم کی تقسیم کے عمل کا جائزہ لینے کیلئے ایم سی گرلز ہائی سکول پرتاب نگر سنٹر پہنچے تو وہاں موجود صفیہ بی بی نامی خاتون نے شکایت کی کہ کائونٹر پر موجود مسعود نے اسکو احساس کفالت پروگرام کی ملنے والی رقم بارہ ہزار کی بجائے گیارہ ہزار روپے دیئے ہیں اور بقیہ رقم کا مطالبہ کرنے پر لیت و لعل کے بعد انکاری ہے اور دیگر خواتین کو بھی گیارہ ہزار روپے دے رہے ہیں جس پر لاک ڈائون کے دوران حکومت کی طرف سے ملنے والی مالی امداد میں خورد برد کرنے پر سخت نوٹس لیتے ہوئے جانچ پڑتال کی تو ایجنٹ مسعود ولد جاویداختر اور اسکا بھائی محمد بلال ساکنان گلبرگ بی بلاک سکیم نمبر دو رقوم میں کٹوتی کے مرتکب پائے گئے ، جس پر دونوںبھائیوں کو تھانہ جھنگ بازار پولیس کے حوالے کردیا ، جھنگ بازار پولیس نے کارروائی عمل میں لاتے ہوئے مقدمہ زیر دفعہ 406,420ت پ کے تحت مقدمہ درج کرکے تفتیش شروع کردی ہے ۔