اگلا وزیراعظم بنائے جانے کا پیغام لے کر آئے۔ان کا خیال ہے کہ ایسی میٹنگز عمران خان سے بھی ہوتی ہوں گی لیکن الیکشن سے ایک ماہ پہلے تک یہی لگتا تھا کہ اگلا وزیراعظم ن لیگ سے ہوگا اور اس کے لیے شہباز شریف ہی چوائس تھے۔لیکن پھر بیانیہ کا مسئلہ آڑے آ گیا۔شہباز شریف کا خیال تھا بیانیہ کی وجہ سے ن لیگ کو اقتدار نہیں مل سکتا۔حالانکہ اگر اقتدار ملتا تو شہباز شریف ایک پل کا کردار ادا کرکے اس بیانیہ کا مسئلہ بھی حل کرسکتے تھے۔شہباز شریف کے خیال میں جنرل باجوہ کو توسیع دینے کے حوالے سے ن لیگ نے اچھا فیصلہ کیا ہے۔اس سے ایک دوسرے پر عدم اعتماد مکمل طور پر ختم تو نہیں ہوا مگر بداعتمادی پہلے سے کم ہوئی ہے۔ایک دوسرے کیخلاف ہونے کا تاثر بھی زائل ہوا ہے۔شہباز شریف نے مزید کہا کہ نواز شریف نے مجھے اپنی جگہ وزیراعظم نامزد کرنے کا بھی فیصلہ کیا تھا۔میں اپنے دونوں بیٹوں کو لے کر میاں نواز شریف کے پاس جھینگا گلی گیا اور کہا کہ آپ کا حکم سر آنکھوں پر مگر میں ایک سال وزیراعلی ہی رہنا چاہتا ہوں تاکہ جو منصوبے میں نے پنجاب میں شروع کر رکھے ہیں ان کو مکمل کر سکوں۔میرے دلائل سننے کے بعد میاں نواز شریف کے لیے تجویز مان لی۔اپنی تیسری وزارت عظمیٰ کے دوران پانچ سے چھ بار انہوں نے مجھے کہا کہ اب تم وزات عظمیٰ سنبھالو مگر میں ہر بار کہتا تھا کہ نہیں آپ اس کو بہتر طور پر چلا رہے ہیں۔انہوں نے مزید کہا کہ مسلم لیگ ن کا سربراہ مقرر کرنا اور پھر آئندہ وزیراعظم کے لئے نامزد کرنا یہ اس بے پناہ اعتماد کی نشانیاں جو میرے بڑےمجھ پرکرتے ہیں۔بڑے بھائی کے پیٹ میں چھرا گھونپ کر ملنے والا اقتدار کسی صورت قبول نہیں کروں گا۔