03:25 pm
وزیر ریلوے ایک لاکھ ملازمین کو کہاں بھرتی کرینگے ؟ سپریم کورٹ حیران

وزیر ریلوے ایک لاکھ ملازمین کو کہاں بھرتی کرینگے ؟ سپریم کورٹ حیران

03:25 pm


اسلام آباد (مانیٹرنگ ڈیسک ) سپریم کورٹ میں ریلوے خسارہ ازخود نوٹس کیس کی سماعت ہوئی, عدالت نے وزیرریلوے شیخ رشید کے بھرتیوں کے بیان پر حیرت کا اظہار کردیا۔ چیف جسٹس گلزار احمد نے ریمارکس دیئے کہ ریلوے کے پاس پہلے ہی 77 ہزار ملازمین ہیں،وزیر ریلوے ایک لاکھ ملازمین کو کہاں بھرتی کرینگے ؟ جس پر ایڈیشنل اٹارنی جنرل نے جواب میں کہا کہ شیخ رشید سے شاید الفاظ کے انتخاب میں غلطی ہوگئی۔چیف جسٹس نے سیکرٹری ریلویز کی سرزنش 
کرتے ہوئے کہا سیکرٹری صاحب آپ سے ریلوے نہیں چل رہی، ریلوے کے سیکرٹری، سی ای او اور تمام ڈی ایس فارغ کرنا پڑیں گے۔ وزیر ریلوے شیخ رشید نے گزشتہ ماہ ریلوے میں نیا نظام متعارف کرانے کے عزم کا اظہار کرتے ہوئے کہا تھا کہ رواں سال ریلوے ایک لاکھ افراد کو روزگار فراہم کرےگا۔ ان کا کہنا تھا کہ ایک لاکھ لوگوں کے لیے روزگار کا ٹینڈر جلد سامنے آجائے گا اور میرٹ پر بھرتی کریں گے,جس میں تمام قومیت کے لوگ شامل ہونگے۔

تازہ ترین خبریں