09:40 am
عیدالاضحی: اسلام آبادمیں کتنی مویشی منڈیاں لگائی جائیں گی اوریہ کن کن علاقوں میں ہوں گی ،جانیں تفصیلات اس خبرمیں

عیدالاضحی: اسلام آبادمیں کتنی مویشی منڈیاں لگائی جائیں گی اوریہ کن کن علاقوں میں ہوں گی ،جانیں تفصیلات اس خبرمیں

09:40 am

اسلام آباد(ویب ڈیسک )اسلام آباد میں 4 چھوٹی مویشی منڈیاں لگانےکیلئےاشتہارجاری کردیا گیا ہے۔اسلام آباد کی انتظامیہ نے مویشی منڈیاں ترنول،روات،بارہ کہو اورترامڑی میں لگنے کا فیصلہ کیا ہے۔ ان منڈیوں کے لیے 14 جولائی کوبولی لگےگی۔ منڈیوں کی بولی کا آغاز10 لاکھ روپےسےہوگا۔واضح رہے کہ کرونا وائرس کے پیش نظر اسلام آباد میں شہر کے اندر مویشی منڈیاں لگانے پر پابندی عائد ہے۔ضلع انتظامیہ نے ایس او پیز کے تحت بچوں اور بوڑھوں
کو بھی منڈی جانے سے روک دیا ہے جبکہ جانوروں کی خریداری کیلئے شہر سے 5 کلو میٹر دور تک جانا پڑے گا۔ایس او پیز کے تحت منڈی میں ماسک اور دستانوں کا استعمال لازمی قرار دیا گیا ہے جبکہ منڈی میں کرونا اور کانگو سے بچاؤ کے بھی اقدامات کیے گئے ہیں۔منڈی میں داخلے اور واپسی کیلئے الگ الگ راستہ بنایا جائے گا۔ شہریوں کو انفرادی کے بجائے اجتماعی قربانی کو ترجیح دینے کا بھی مشورہ دیا گیا۔یہ بھی کہا گیا ہے کہ شہری مقرر کردہ ذبح خانوں یا خیراتی تنظیموں کےذریعے قربانی کریں،دعوتوں سے گریز کیا جائے اور قربانی کا گوشت ضرورت مندوں میں تقسیم کیا جائے۔