09:53 am
پاکستان کی معروف عمارت میں بھارتی پرچم دیکھ کر گورنر سندھ جلال میں آگئے

پاکستان کی معروف عمارت میں بھارتی پرچم دیکھ کر گورنر سندھ جلال میں آگئے

09:53 am


کراچی(مانیٹرنگ ڈیسک )پاکستان کی معروف عمارت میں بھارتی پرچم دیکھ کر گورنر سندھ جلال میں آگئے ، ایسا کام کر ڈالا کہ پاکستان کہہ اٹھے ، یہ سچے پاکستا نی ہیں ۔۔۔ گورنر سندھ عمران اسماعیل نے نجی فاؤنڈیشن کے آڈیٹوریم میں لگا بھارتی پرچم دیکھ کر ناراضی کا اظہار کیا اور پھر اسے اتروا دیا۔ اے آر وائی نیوز کی رپورٹ کے مطابق گورنر سندھ نے لیاری کی نجی فاؤنڈیشن کا دورہ کیا، اس دوران عمران اسماعیل جب فاؤنڈیشن کے آڈیٹوریم میں
پہنچے تو وہاں مختلف ممالک کے پرچم آویزاں تھے۔ بھارتی پرچم کو دیکھ کر گورنر سندھ نے ناپسندیدگی اور ناراضی کا اظہار کیا۔ انہوں نے فاؤنڈیشن کے منتظمین سے کہا کہ ’بھارتی پرچم یہاں نہیں لگا ہونا چاہیے تھا‘۔ گورنر سندھ نے انتظامیہ کو ہدایت کی کہ وہ فوری طورپربھارتی پرچم کو اتار دے، عمران اسماعیل کی ہدایت پر انتظامیہ نے بھارتی پرچم کو ہٹا دیا۔ فاؤنڈیشن کے ترجمان نے وضاحت پیش کی کہ دیگر ممالک کے پرچموں کے ساتھ بھارت کا جھنڈا بے دھیانی میں لگا دیا گیا تھا، گورنر سندھ کی نشاندہی کے بعد اُسے ہٹا دیا گیا اور آئندہ نہیں لگایا جائے گا۔