04:15 pm
کراچی میں رواں ماہ کے آخر میں مون سون کی بارشوں کی شروعات ہوں گی

کراچی میں رواں ماہ کے آخر میں مون سون کی بارشوں کی شروعات ہوں گی

04:15 pm

کراچی (مانیٹرنگ ڈیسک) محکمہ موسمیات نے سندھ کے صوبائی دارالحکومت کراچی میں ایک بار موسلا دھار بارشوں کی پیشگوئی کرڈالی ہے۔ رواں ماہ کی 24اور 25تاریخ کو کراچی میں تیز اور درمیانی بارش متوقع ہے۔ چیف میٹرولوجسٹ کراچی سردار سرفراز نے کہا ہے کہ 24اور 25جولائی کے دوران کراچی میں مون سون کے موسم کی شروعات ہوسکتی ہیں۔ انھوںنے مزید بتایا کہ آئندہ چند روز تک موسم خوشگوار رہے گا تاہم بارش کے امکانات نہیں ہیں۔ تیز سمندری ہواؤں کی وجہ سے بننے والے نچلی سطح کے بادلوں کی وجہ شہر کے مختلف علاقوں میں ہلکی بارش اور بوندا
باندی ہو رہی ہے، اور انہی بادلوں کی وجہ سے کل بھی شہر میں ہلکی بارش ہوسکتی ہے، جب کہ آج شہر کا مطلع ابرآلود رہنے اور کہیں بوندا باندی اور کہیں ہلکی بارش ہونے کی توقع ہے۔