06:12 pm
زرانم ہو تو یہ مٹی بڑی زرخیز ہے ساقی ، پاکستانی نوجوانوں کا کمال، بجلی سے چلنے والا رکشہ تیار کرلیا

زرانم ہو تو یہ مٹی بڑی زرخیز ہے ساقی ، پاکستانی نوجوانوں کا کمال، بجلی سے چلنے والا رکشہ تیار کرلیا

06:12 pm

اسلام آباد (مانیٹرنگ ڈیسک ) زرانم ہو تو یہ مٹی بڑی زرخیز ہے ساقی ، پاکستانی نوجوانوں کا کمال، بجلی سے چلنے والا رکشہ تیار کرلیا۔۔۔پاکستانی نوجوانوں نے اپنی صلاحیتوں کا استعمال کرتے ہوئے پوری طرح سے مقامی سطح پر الیکٹرک رکشہ تیار کرلیا، یہ الیکٹرک رکشہ انجینئرز اور ڈیزائنر انڈسٹری کے نوجوانوں کی جانب سے تیار کیا گیا ہے۔ الیکٹرک رکشہ تیار کرنے والی ٹیم کے ایک ممبر کا خبر رساں ادارے سے گفتگو کرتے ہوئے کہنا تھا کہ ہم لوگوں نے اس کی موٹر کے علاوہ باقی تمام پرزہ جات مقامی طور پر تیار کیے ہیں، ہم لوگوں نے رکشے میں انجن کے بجائے
موٹر لگائی ہے جس کے ایک تو پارٹس کم ہیں دوسرا دیگر رکشوں کے مقابلے میں اس پر لاگت بھی بہت کم آتی ہے۔ رکشے کی خصوصیات بتاتے ہوئے نوجوان کا کہنا تھا کہ چونکہ اس رکشے میں انجن نہیں ہے لہذا اس کا انجن آئل بھی چینج نہیں کروانا پڑے گا اس کے علاوہ اس میں رنگ اور پسٹن بھی استعمال نہیں ہوتے، یہی وجہ ہے کہ یہ رکشہ دوسرے رکشوں کے مقابلے میں بہت سستا ہے۔ رکشہ بنانے والے ایک اور نوجوان کا الیکٹرک رکشے کی خصوصیات بتاتے ہوئے کہنا تھا کہ اس رکشے کی مدد سے سالانہ ایک سے دو لاکھ روپے کا پٹرول اور گیس بچائی جا سکتی ہے، آلودگی نہ پھیلانے والا یہ رکشا ماحول دوست بھی ہے اور اس رکشے سے شور بھی پیدا نہیں ہوتا۔