05:59 pm
ہر گھر میں استعمال ہونے والی چیز کئی روپے مہنگی کر دی گئی ، پاکستانی عوام تڑپ اٹھی

ہر گھر میں استعمال ہونے والی چیز کئی روپے مہنگی کر دی گئی ، پاکستانی عوام تڑپ اٹھی

05:59 pm


اسلام آباد (مانیٹرنگ ڈیسک ) ہر گھر میں استعمال ہونے والی چیز کئی روپے مہنگی کر دی گئی ، پاکستانی عوام تڑپ اٹھی ۔۔۔سندھ حکومت کی بد انتظامی کی وجہ سے کراچی میں آٹے کی قیمتوں کو پر لگ گئے، ڈھائی نمبر آٹا ریٹیل بازار میں فی کلو 6 روپے مہنگا کر دیا گیا، جس کے بعد ڈھائی نمبر آٹے کی فی کلو نئی قیمت 54 روپے ہوگئی۔ مارکیٹ ذرائع کے مطابق ڈھائی نمبر آٹے کا 50 کلو کا تھیلا جو پہلے چوبیس سو روپے میں فروخت ہو رہا تھا اب اس میں تین سو روپے کا اضافہ ہوگیا ہے جس کے بعد پچاس کلو تھیلے کی نئی قیمت 27 سو روپے ہو گئی ہے۔ ریٹیل بازار 
میں ڈھائی نمبر آٹے کی قیمت کی طرح فائن آٹے کی قیمت میں بھی چار روپے فی کلو کا اضافہ ہو گیا ہے، جس کے بعد فائن آٹے کی فی کلو نئی قیمت 58 روپے ہوگئی ہے، فائن آٹے کا50 کلو کا تھیلا جو پہلے مارکیٹ میں 27 سو روپے میں دستیاب تھا اب دو سو روپے کے اضافے سے 29 سو روپے میں فروخت ہو رہا ہے۔ کراچی میں آٹے کی بڑھتی ہوئی قیمتوں پر تشویش کا اظہار کرتے ہوئے وزیراعظم کے معاون خصوصی برائے ذرائع ابلاغ ڈاکٹر شہباز گل کا سماجی رابطوں کی ویب سائٹ ٹویٹر پر ٹویٹ کرتے ہوئے کہنا تھا کہ "‏کل ایک میٹنگ میں سندھ گورنمنٹ کو بتایا گیا کہ ان کی بد انتظامی کی وجہ سے سندھ میں 20 کلو آٹا 1075 روپے اور پنجاب میں 860 روپے میں بک رہا ہے کیونکہ سندھ گندم ریلیز نہیں کر رہا۔بجائے اس کہ سندھ حکومت گندم ریلیز کرتی آج مرتضی کذاب نے سندھ میں آٹے کہ مہنگے ہونے کا زمہ وفاق پر ڈال دیا”