05:12 am
صوبائی دار الحکومت لاہور میں نظام کی تبدیلی کا فیصلہ، اب ہر پاکستانی کے گھر ۔۔۔۔!بڑی خبر

صوبائی دار الحکومت لاہور میں نظام کی تبدیلی کا فیصلہ، اب ہر پاکستانی کے گھر ۔۔۔۔!بڑی خبر

05:12 am


لاہور (مانیٹرنگ ڈیسک )صوبائی دار الحکومت لاہور میں نظام کی تبدیلی کا فیصلہ، اب ہر پاکستانی کے گھر ۔۔۔۔!بڑی خبر ۔۔۔ لاہور میں صفائی کا نظام تبدیل کرنے کا فیصلہ ، پنجاب کے دارالحکومت میں صفائی کے نئے نظام کا ابتدائی خاکہ تیار کر لیا گیا، لاہور کو 6 زونز میں تقسیم کیا جائے گا، ہر گھر سے کوڑا اٹھانے کے عوض فیس وصول کی جائے گی۔ تفصیلات کے مطابق پنجاب حکومت نے لاہور میں صفائی کی بگڑتی ہوئے صورتحال کو بہتر کرنے کیلئے صفائی کا نیا نظام متعارف کروانے کا فیصلہ کیا ہے۔بتایا گیا ہے کہ لاہور شہر میں صفائی کیلئے نیا کنٹریکٹ کیا جائے گا۔ اس مقصد کے لئے پنجاب حکومت کی جانب سے بھاری معاوضے کے عوض کنسلٹنٹ کی خدمات حاصل کی گئی ہیں۔ نجی ٹی وی چینل کی رپورٹ کے مطابق پنجاب کے دارالحکومت کیلئے صفائی کے نئے نظام کا ابتدائی خاکہ تیار کیا گیا ہے 
جس کے مطابق گھروں سے کوڑا اکٹھا کیا جائے گا۔نئے نظام کے تحت لاہور کو 6 زونز میں تقسیم کیا جائے گا۔پرانے نظام کے تحت لاہور کو صرف2 زونز میں تقسیم کیا گیا تھا۔ پرانے نظام کے تحت گھروں سے کوڑا اکٹھا کرنے کی بجائے مخصوص پوائنٹس سے کوڑا اٹھایا جاتا تھا۔ اس نظام کے تحت صارفین سے کوئی فیس وصول نہیں کی جاتی تھی۔ تاہم اب نئے نظام کے تحت گھروں سے کوڑا اٹھایا جائے گا، کوڑا اکٹھا کرنے کیلئے ہر گھر سے ماہانہ فیس وصول کی جائے گی۔ فیس تمام علاقوں کیلئے یکساں نہیں ہوگی۔ فیس کا تعین علاقوں کے درجہ کے مطابق کیا جائے گا۔ پوش علاقوں، مڈل کلاس اور لوئر مڈل کلاس علاقوں سے مختلف فیس وصول کی جائے گی۔ جبکہ ناصرف علاقوں بلکہ مکان کے کل رقبے کے حساب سے بھی فیس وصول کی جائے گی۔ زیادہ بڑے گھر سے زیادہ اور چھوٹوں گھروں سے کم فیس وصول کی جائے گی۔ مزید بتایا گیا ہے کہ پنجاب حکومت شہر لاہور کی صفائی کیلئے نیا کنٹریکٹ کرے گی۔ صفائی کا نیا کنٹریکٹ 7 سال کے لئے کیا جائے گا۔ شہباز شریف کے دور میں ایک ترک کمپنی کیساتھ کنٹریکٹ کیا گیا تھا، جو اب ختم ہو چکا ہے۔ اسی باعث شہر لاہور میں گزشتہ کچھ عرصے کے دوران صفائی کی صورتحال کافی خراب ہوئی ہے۔