06:05 pm
پاکستان کیلئے اعزاز، پاکستانی نژاد خاتون کس عہدے سے نواز دیا گیا ، جانیں

پاکستان کیلئے اعزاز، پاکستانی نژاد خاتون کس عہدے سے نواز دیا گیا ، جانیں

06:05 pm


اسلام آباد (مانیٹرنگ ڈیسک ) پاکستان کیلئے اعزاز، پاکستانی نژاد خاتون کس عہدے سے نواز دیا گیا ، ۔۔۔پاکستانی نژاد امریکی خاتون ڈاکٹر فائزہ کھوجا کو سنٹرل اے اینڈ ایم ٹیکساس یونیورسٹی کے کالج آف بزنس ایڈمنسٹریشن میں بطور ڈین سربراہ مقرر کر دیا گیا۔ اسی عہدے سے سبکدوش ہونے والے ڈاکٹر پیگ گرے ویکری نے کہا کہ ڈاکٹر فائزہ کھوجا کو ڈین بنائے جانے پر وہ بہت خوش ہیں، انہوں نے کہا کہ اے اینڈ ایم سنٹرل ٹیکساس میں ہونے
والے گریجوایٹ اور انڈر گریجوایٹ پروگرام اب ڈاکٹر کھوجا کی سربراہی میں چلیں گے۔ ڈاکٹر ویکری نے مزید کہا کہ ہمارا ادارہ ڈاکٹر فائزہ کھوجا کی صلاحیتوں کا معترف ہے اور ہمیں یقین ہے کہ ان کی سربراہی میں کالج آف بزنس ایڈمنسٹریشن دن دوگنی رات چوگنی ترقی کرے گا۔ ڈاکٹر فائزہ کھوجا کی تعلیمی اور عملی دونوں شعبوں میں بزنس ایڈمنسٹریشن کی لاتعداد پبلکیشنز ہیں، وہ کئی جرنل آف بزنس اسٹریٹیجیز ، جرنل آف سمال بزنس مینجمنٹ ، جرنل آف مینجمنٹ ایشوز اور کئی دوسرے جرنلز میں لکھ چکی ہیں۔ ڈاکٹر فائزہ کھوجا کمیونٹی بورڈ کی بھی سرگرم رکن رہ چکی ہیں ، انہوں نے فیڈرل کریڈٹ یونین کے بورڈ آف ڈائریکٹرز کی سربراہ، نائب سربراہ اور سیکریٹری کی حیثیت سے بھی خدمات انجام دی ہیں۔ ڈاکٹر فائزہ کھوجا دو ہفتوں کے دوران اپنے نئے عہدے کا چارج سنبھال لیں گی، انہوں نے اس عہدے کے اعلان کے بعد یونیورسٹی میں ہونے والے اپنے پرتپاک استقبال پر فیکلٹی اور سٹاف کا شکریہ ادا کیا اور آئندہ وقت میں بھی لگن اور محنت سے کام کرنے کے عزم کا اظہار کیا۔

تازہ ترین خبریں