ایک خط لکھا تھا۔ اس خط میں انہوں نے خبردار کیا تھا کہ اگر معاملات ٹھیک نہ کیے گئے تو حادثات رونما ہو سکتے ہیں۔ لیکن ان کے خط پر کوئی ایکشن نہ لیا گیا اور پھر 3 ماہ بعد ہی کھٹمنڈو میں پی آئی اے کے طیارے کو حادثہ پیش آیا۔ ایئر کموڈور(ر) عبدالباسط کا مزید کہنا ہے کہ خرابیوں کی نشاندہی کرنے انہیں ٹھیک کرنے کی کوشش پر پالپا اور ایم کیو ایم کے لوگوں کی جانب سے دھمکیاں دی جاتی تھیں۔ ان کے جنرل مینیجر کی بیوی کو ایم کیو ایم کے لوگوں نے دھمکیاں دیں کہ اگر ہمارا آدمی پاس نہیں کیا تو تمہارے شوہر کو مار دیں گے۔ لوگ آپس کی ملی بھگت سے امتحان دیتے تھے، پیپر کے سوالات پہلے ہی معلوم کر لیے جاتے تھے گھروں پر بیٹھ کر پرچے حل کیے جاتے تھے۔ ان کا بتانا ہے کہ پائلٹس شراب نوشی کرتے ہیں اور انہوں نے خود پائلٹس کو کاک پٹ میں شراب نوشی کرتے ہوئے رنگے ہاتھوں پکڑا۔ سابق چیف انسپکٹر سول ایوی ایشن یہ سب انکشافات کرتے ہوئے آبدیدہ ہوگئے۔ ان کا کہنا ہے کہ گھپلوں اور پائلٹس کی نااہلی کی نشاندہی کرنے پر پالپا کے لوگ انہیں دھمکیاں دیتے تھے۔ ایک مرتبہ ایک پائلٹ کا کو پائلٹ میرے پاس روتے ہوئے آیا اور کہا کہ سر سینئر پائلٹ مجھے مروا دے گا وہ کلر بلائنڈ ہے۔ آج موسم خراب تھا تو اس نے طیارے کو خود ٹیک آف کرنے کی بجائے مجھے یہ کام کرنے کو کہہ دیا۔ ایئر کموڈور(ر) عبدالباسط یہ تمام انکشافات کرتے ہوئے آبدیدہ ہوگئے اور کہا کہ اب بھی وقت ہے اس ادارے کو بچا لیا جائے۔ لوگ حکومت کو بلیک میل کر رہے ہیں کہ یہ معاملات نہ اٹھایا جائے ورنہ دنیا میں بدنامی ہوگی، جبکہ حقیقت یہ ہے کہ بدنامی کی ڈر سے معاملات دبانے کی وجہ سے ہی آج پی آئی اے کے حالات ابتر ہو چکے۔