02:24 pm
پاکستانی ہوشیار باش ۔۔!! بیرون ملک جانے کے خواہشمندوں کیلئے بڑے ملک میں پاکستانی سفاتخانے کی جانب سے ہنگامی الرٹ جاری

پاکستانی ہوشیار باش ۔۔!! بیرون ملک جانے کے خواہشمندوں کیلئے بڑے ملک میں پاکستانی سفاتخانے کی جانب سے ہنگامی الرٹ جاری

02:24 pm


اسلام آباد (مانیٹرنگ ڈیسک )انسانی سمگلروں کا گروہ حرکت میں آگیا۔ بشکیک میں موجود سفارتخانے کی جانب سے تمام پاکستانیوں کیلئے الرٹ جاری ۔بشکیک(کرغزستان ) میں موجود پاکستانی سفارتخانے نے پاکستانیوں کیلئے جاری کر دہ ایک پیغام میں کہا ہے کہ ’’ تمام پاکستانیوں کو مطلع کیا جاتاہے کہ انسانی سمگلروں کا ایک گروپ ان دنوں متحرک ہو چکا ہے ۔ وہ کر غستان میں بیٹھ کر فیس بک کے ذریعہ کینیڈا ، آسٹریلیا ، جاپان اور یورپ کے مختلف ممالک کا ویزہ لگانے کا وعدہ کرتے ہیں۔ یہ سب دھوکہ باز اور جعلساز ہیں ۔ ان لوگوں کی چال
میں مت آئیں ۔ پچھلے سال پاکستانی سفارتخانہ بشکیک نے تین پاکستانیوں کو جو ان سمگلروں کے چنگل میں پھنس کر بشکیک میں گرفتار ہو گئے تھے کو عدالت سے کیس لڑ کر واپس پاکستان بھجوایا تھا جبکہ ان پاکستانیوں کو ہزاروں ڈالر کا نقصان ہوا وہ الگ ۔ اب با خبر ذرائع سے اطلاع ملی ہے کہ انسانی سمگلروں کا گروپ ایک بار پھر متحرک ہو چکا ہے اور ہوائی رابطہ بحال ہونے کے بعد کچھ پاکستانیوں کو کینیڈا ، یوکرائن اور یگر ممالک کے ویزوں کا جھانسہ دے کر کرغزستان بلانے کا منصوبہ بنا رہے ہیں ۔ بشکیک میں پاکستانی سفارتخانہ تمام پاکستانیوں سے ملتمس ہے کہ اس پیغام کو زیادہ سے زیادہ شیئر کریں تاکہ مزید پاکستانی ان لوگوں کی جعلسازی اور دھوکہ دہی سے بچ سکیں ۔

تازہ ترین خبریں