06:52 am
پی آئی اے کے پائلٹس کی ڈگریوںوالے مسئلے کے بعد ایک نئی پاکستانی ایئر لائن کا آغاز

پی آئی اے کے پائلٹس کی ڈگریوںوالے مسئلے کے بعد ایک نئی پاکستانی ایئر لائن کا آغاز

06:52 am


لاہور (مانیٹرنگ ڈیسک) پی آئی اے کے پائلٹس کی ڈگریوںوالے مسئلے کے بعد ایک نئی پاکستانی ایئر لائن کا آغاز ، صدر دفتر لاہور میں ، کمپنی کا نام کیا ہے ، طیارہ بھی پہنچ گیا ۔۔ایک نئی پاکستانی ائیرلائن کو آپریشنل کرنے کی تیاریاں، ائیر فیلکن نامی ہوا باز کمپنی کی جانب سے کمرشل اور کارگو پروازوں کی سہولت فراہم کی جائے، کمپنی کو پہلا بوئنگ 737 مسافر طیارہ موصول ہوگیا۔ تفصیلات کے مطابق پاکستان میں ایک نئی مقامی ائیرلائن اپنے آپریشنز کا آغاز کرنے کیلئے تیار ہے۔ بتایا گیا ہے کہ اس کمپنی کا نام "ائیر فیلکن" ہے، جس کا صدر
دفتر پنجاب کے دارالحکومت لاہور میں واقع ہے۔ ائیر فیلکن پاکستان میں کمرشل اور کارگو پروازوں کی سہولت فراہم کرنے کا ارادہ رکھتی ہے۔ کمپنی کی جانب سے آرڈر کردہ پہلا بوئنگ 737 مسافر طیارہ اسے موصول ہو چکا ہے۔ کمپنی پہلے فیز میں 3 بوئنگ 737 طیاروں کیساتھ سروس فراہمی کا آغاز کرنے کا ارادہ رکھتی ہے۔ بتایا گیا ہے کہ جلد بقیہ 2 طیارے موصول ہونے کے بعد ائیر فیلکن مقامی اور بین الاقوامی پروازوں کا آغاز کر دے گی۔ ائیر فیلکن آئرلینڈ کی ایک کمپنی سے لیز پر طیارے حاصل کرے گی۔ جبکہ پھر دوسرے فیز میں کمپنی کی جانب سے اے ٹی آر طیارے حاصل کیے جائیں گے، جو مقامی پروازوں کیلئے استعمال ہوں گے۔ مزید بتایا گیا ہے کہ کمپنی نے اپنے طیاروں کی مینٹیننس کا معاہدہ پی آئی اے کیساتھ کیا ہے۔ کمپنی 2020 میں مسافر پروازوں کا آغاز کرنے کا ارادہ رکھتی ہے۔ امکان ظاہر کیا جا رہا ہے کہ ائیر فیلکن مسافر طیاروں کا فلیٹ مکمل کرنے کے بعد رواں سال کے آخر تک اپنی مسافر پروازوں کا آغاز کر دی گی۔ یہاں یہ واضح رہے کہ پاکستان میں قومی ائیرلائن پی آئی اے کے علاوہ کچھ مقامی نجی ائیرلائن بھی آپریٹ کر رہی ہیں۔ اب مقامی ائیرلائن میں ایک نئی ائیرلائن کا اضافہ ہوگیا ہے۔