09:28 am
خوشی کی خبر ، تمام پاکستانی پائلٹس کلیئر،ملازمتیں بحال

خوشی کی خبر ، تمام پاکستانی پائلٹس کلیئر،ملازمتیں بحال

09:28 am


اسلام آباد(مانیٹرنگ ڈیسک )خوشی کی خبر ، تمام پاکستانی پائلٹس کلیئر،ملازمتیں بحال۔۔۔ویتنام ایئرلائن نے اپنے ملک میں ملازمت کرنے والے تمام پاکستانی پائلٹس کو کلیئر قرار دیتے ہوئے انہیں  ملازمتوں پر بحال کردیا ہے۔ روزنامہ جنگ کے مطابق برطانوی خبررساں ادارے کی رپورٹ  میں کہا گیا ہے کہ گزشتہ روز ہنوئی میں ویتنامی حکام نے تصدیق کی ہے کہ ویتنام کی مختلف ایئرلائنز میں کام کرنے والے تمام پاکستانی پائلٹس کی پاس جائز اور صحیح لائسنس موجود ہیں۔  سرکاری بیان کے مطابق کوئی بھی پائلٹ پرواز کے واقعے یا حفاظتی خطرے میں ملوث نہیں رہا۔ ویتنام
حکومت کے بیان میں کہا گیا ہے کہ پاکستان میں ہوابازی کے ریگولیٹری ادارے کی جانب سے جاری کیے گئے تمام لائسنس صحیح ہیں۔ بیان کے مطابق میڈیا رپورٹس کے برعکس کوئی بھی لائسنس جعلی نہیں ہے۔ ویتنام کی سول ایوی ایشن اتھارٹی کے مطابق ویتنام نے ستائیس پاکستانی پائلٹس کو لائسنس جاری کیا تھا ان میں سے بارہ ابھی بھی سرگرم ہیں جب کہ دیگر پندرہ کا کانٹریکٹ مکمل ہوچکا ہے یا پھر وہ کورونا وائرس کی وجہ سے غیر فعال تھے۔