تعزیت فاتحہ خوانی کے بعد کھوئی رٹہ پریس کلب کے صحافیوں سے گفتگو کرتے ہوئے کیا بیرسٹرسلطان محمود نے کہاکہ پی ٹی آئی الیکشن میں لوٹوں کو نہیں لے گی ٹکٹوں کی تقسیم مشاورت سے ہوگی اور حتمی فیصلہ وزیر اعظم عمران خان کریں گے انہوں نے کہاکہ پی ٹی آئی نے کشمیریوں کا مقدمہ بین الا قوامی فورم پر پیش کیا برہان وانی کی برسی کے موقع پر یورپی ممالک میں احتجاج کا اعلان کیا تھا جو کورونا وباء کی وجہ سے نہ ہوسکا ہم نے علامتی احتجاج یورپ بھر میں کیا مسّلہ کشمیر جب تک حل نہیں ہوتا بر صغیر میں امن نہیں آسکتا 5اگست کو مقبوضہ کشمیر میں محصور کشمیریوں کو ایک سال ہوجائے گا وہ ظلم وستم ،قیدوبند اور گھروں تک محدود ہیں ہم 5اگست کو بھرپور احتجاج کرینگے اقوام عالم کا ضمیر جھنجوڑے گے انہوں نے کہاکہ الیکشن کیلئے لیپا میں ایک جھلک دکھا دی ہے جب ہم نکلیں گے تو دنیا دیکھے گی 14 ویںترمیم فاروق حیدر کا ڈرامہ ہے جو صرف ہیرو بننے کیلئے کر رہا ہے وفاق کو 13تر میم کی کچھ شقوں پر تحفظات ہیں وفاق اور آزادکشمیر کارابطہ رہنا چاہیے کشمیر کونسل اس مقصد کیلئے ہمارے بڑوں نے بنائی تھی تاکہ پاکستان سے مضبوط ،مستحکم ،اور باوقار رشتہ رہے انہوں نے مزید کہاکہ قائد عمران خان نے میری تحریک پر متاثرین کنٹرول کیلئے تین ارب روپے کاپیکج دیا اور احساس پروگرام کیلئے ساڑھے تین ارب کا پیکج دیا جبکہ آزاد کشمیر کے ہر کنبے کیلئے صحت کارڈ دینے کا اعلان کیا جس پر ہم اُنکے شکرگزار ہیں تحریک انصاف ہر گھر کو صحت وتعلیم کی سہولت دے رہی ہے آزادکشمیر میں مستقبل پی ٹی آئی کا ہے اس موقع پر چوہدری ظفرانور ،سابق وزیر حکومت چوہدری محمد رفیق نیئر ،سا بق ممبر کشمیر کونسل چوہدری محبوب ایڈووکیٹ ،ڈاکٹر انصرابدالی ،ناصر لطیف کالس ،چوہدری محمد رزاق ایڈووکیٹ کارکنان پی ٹی آئی بھی موجود تھے ۔