06:19 am
نیب آفس کے باہرہنگامہ آرائی ن لیگ کےکارکنوں کومہنگی پڑ گئی  عدالت نے گرفتار لیگی کارکنان سے متعلق فیصلہ سنادیا

نیب آفس کے باہرہنگامہ آرائی ن لیگ کےکارکنوں کومہنگی پڑ گئی عدالت نے گرفتار لیگی کارکنان سے متعلق فیصلہ سنادیا

06:19 am

لاہور(ویب ڈیسک )لاہور کی مقامی عدالت نے مسلم لیگ ن کی نائب صدر مریم نواز کی پیشی کے دوران نیب آفس کے باہر ہنگامہ آرائی میں ملوث 58لیگی کارکنان کو14روزہ جوڈیشل ریمانڈ پر جیل بھیجوادیا۔لاہورپولیس نے مریم نواز کی پیشی کے موقع پر نیب آفس کے باہر ہنگامہ آرائی کے
الزام میں گرفتار58 لیگی کارکنان کو ضلع کچہری میں پیش کیا ۔پولیس کی جانب سے استدعا کی گئی کہ ہنگامہ آرائی میں ملوث مزید ملزمان کی نشاندہی اور دیگر پہلوؤں پر تحقیقات کے لیے گرفتار افراد کو جسمانی ریمانڈ پر پولیس کی تحویل میں دیا جائے۔(ن) لیگی کارکنوں کی جانب سے مسلم لیگ (ن) کے فرہاد علی شاہ نے موقف اختیار کیا کہ ملزمان کے خلاف مقدمہ سیاسی ہے اور کارکنوں کو انتقام کا نشانہ بنایا جارہا ہے، اس لئے عدالت سے استدعا ہے کہ ملزمان کے خلاف مقدمہ ختم کرکے انہیں رہا کیا جائے۔عدالت نے فریقین کے مؤقف سننے کے بعد ملزمان کے جسمانی ریمانڈ کی درخواست مسترد کردی۔عدالت نے 58لیگی کارکنان کا 14روزہ جوڈیشل ریمانڈ منظور کرتے ہوئے ملزمان کوجیل بھجوانے کا حکم دے دیا۔

تازہ ترین خبریں