11:19 am
مریم نواز کے بعد نیب نے شریف  خاندان کے ایک اورفردکوطلب کرلیا

مریم نواز کے بعد نیب نے شریف خاندان کے ایک اورفردکوطلب کرلیا

11:19 am

لاہور(ویب ڈیسک )شریف خاندان کا ایک اور فرد نیب کے ریڈار پر آگیا، قومی احتساب بیورو کی جانب سے  مریم نواز کے ماموں زاد بھائی محسن لطیف کو 17 اگست کو طلب کر لیا گیا۔ ذرائع کے مطابق محسن لطیف کو اوقاف کی زمین دینے کے کیس پر طلبی کے نوٹس موصول ہوئے ہیں جبکہ قومی 
اسمبلی میں قائد حزب اختلاف شہباز شریف، لاہور ڈیویلپمنٹ اتھارٹی (ایل ڈی اے) اور اوقاف کے افسران بھی تحقیقات میں شامل ہیں، آج 12 اگست کو نیب کی جانب سے وزیر اعلیٰ پنجاب کو بھی طلب کیا گیا تھا اور وزیر اعلیٰ پنجاب عثمان بزدار نیب کے سامنے پیش ہوئے جہاں انہیں ایک سوالنامہ دیا گیا، نیب نے وزیر اعلیٰ پنجاب کو 18 اگست کو دوبارہ طلب کیا۔