04:55 pm
حکومت کی ناقص پالیسیوں کے باعث تعلیم کا معیار گر رہا ہے، آل پاکستان پرائیویٹ سکولز فیڈریشن

حکومت کی ناقص پالیسیوں کے باعث تعلیم کا معیار گر رہا ہے، آل پاکستان پرائیویٹ سکولز فیڈریشن

04:55 pm

فیصل آباد  (مانیٹرنگ ڈیسک) آل پاکستان پرائیویٹ سکولز فیڈریشن کے مرکزی صدر مرزا کاشف اور جوائنٹ ایکشن کمیٹی آف پرائیویٹ سکول ایسوسی ایشن فیصل آباد کے عہدیداران اسد بشیر گل‘ رانا طاہر سلیم خاں‘ چوہدری طاہر‘ میاں ندیم نے کہا ہے کہ حکومت کی ناقص پالیسیوں کے باعث تعلیم کا معیار گر رہا ہے، تبدیلی کا نعرہ لگانے والوں نے ساڑھے 7 کروڑ بچوں کو سکولوں سے باہر کر دیا ہے ، ہم 15 ستمبر کو سکول کھولنے کے حکومتی فیصلے کو مسترد کرتے ہیں اور اعلان کرتے ہیں کہ
والدین کے پر زور اصرار پر ہم نے 15 اگست سے تعلیمی ادارے کھول دیے ہیں۔ اگر حکومت نے نجی سکولز سیل کئے تو ہم ڈی سیل کردینگے۔ کنونشن کے بعد میڈیا سے گفتگو کرتے ہوئے انہوں نے کہا کہ حکمران ہمیں گرفتار کرنے اور جیل میں بند کرنے کی دھمکیاں نہ دیں اگر حکومت نے نجی سکولوں کیخلاف کارروائی کی تو حکومت کیخلاف لانگ مارچ کرینگے۔ انہوں نے نجی سکولوں کے مسائل کے حل کیلئے لیگل ایڈ سیل بنانے کا بھی اعلان کیا۔ جوائنٹ ایکشن کمیٹی آف پرائیویٹ سکولز ایسوسی ایشن کے عہدیداران کنونیئر اسد بشیر گل‘ رانا طاہر سلیم‘ میاں ندیم‘ چوہدری طاہر نے خطاب کرتے ہوئے کہا کہ ہم نے حکومت کی ایس او پیز پر مکمل عمل کرتے ہوئے نجی سکولز کھول دیئے ہیں۔ تاکہ بچوں کا مزید تعلیمی نقصان ہونے سے بچایا جاسکے۔ انہوں نے کہا کہ بدقسمتی سے حکومت کی ترجیحات میں تعلیم نہیں ہے۔ حکومت نے ہر شعبہ کو ریلیف دیا مگر نجی سکولوں کو نظر انداز کیا گیا۔ انہوں نے کہا کہ افسوس کا مقام ہے کہ نجی سکولوں کی ایک نام نہاد تنظیم پرائیویٹ سکولز کے کاز کو نقصان پہنچا رہی ہے۔ انہوں نے کہا کہ 15 لاکھ اساتذہ کو بے روزگار ہونے سے بچانے کیلئے ہم نے سکولز کھولنے کا فیصلہ کیا ہے۔ کنونشن سے رانا عبدالمجید‘ خالد رفیق‘ زاہد سرفراز‘ حاجی شفاعت‘ نعیم طور ودیگر پرنسپل حضرات نے بھی اظہار خیال کیا۔#/s#