05:37 am
وزیر اعظم ، اسپیکر قومی اسمبلی اور وزیر اعلیٰ پنجاب کیخلاف تمام مخالف سیاسی جماعتیں حرکت میں آگئیں ،حکومت جانے والی ہے ؟

وزیر اعظم ، اسپیکر قومی اسمبلی اور وزیر اعلیٰ پنجاب کیخلاف تمام مخالف سیاسی جماعتیں حرکت میں آگئیں ،حکومت جانے والی ہے ؟

05:37 am


اسلام آباد: (مانیٹرنگ ڈیسک )وزیر اعظم ، اسپیکر قومی اسمبلی اور وزیر اعلیٰ پنجاب کیخلاف تمام مخالف سیاسی جماعتیں حرکت میں آگئیں ، کچھ گھنٹے بعد کیا ہونے والا ہے ؟ پاکستانی سیاست میں ہلچل مچ گئی ۔۔۔ اپوزیشن جماعتوں کی کثیر الجماعتی کانفرنس آج اسلام آباد میں ہو گی، نوازشریف اور آصف زرداری وڈیو لنک کے ذریعے شرکت کریں گے۔ پیپلزپارٹی نے اے پی سی کیلئے اپنی تجاویز تیار کرلیں، کانفرنس میں وزیراعظم، اسپیکر قومی اسمبلی اور وزیراعلیٰ پنجاب کیخلاف تحریک عدم اعتماد کی تجاویز بھی شامل ہیں۔ اسلام آباد میں اپوزیشن کی کثیر الجماعتی کانفرنس کیلئے میدان آج سجایا جا رہا ہے، تمام تیاریاں مکمل کر لی گئیں، تجاویز بھی تیار ہیں۔
کانفرنس میں اپوزیشن جماعتوں کے درمیان میثاق جمہوریت کی طرزکا نیا معاہدہ ہونے کا امکان ہے۔ اے پی سی کے فیصلوں پر عملدرآمد کے لیے بھی باقاعدہ تحریری معاہدہ ہو گا۔ اپوزیشن کی کوئی جماعت تحریری معاہدے سے پیچھے نہیں ہٹ سکے گی۔ وزیراعظم، اسپیکر قومی اسمبلی اور وزیراعلیٰ پنجاب کیخلاف تحریک عدم اعتماد کی تجاویز بھی شامل ہیں۔ پیپلز پارٹی کا وفد بلاول بھٹو زرداری کی قیادت میں شریک ہوگا جس میں یوسف رضا گیلانی، قمرزمان کائرہ، شیری رحمان سمیت دیگررہنما شامل ہیں، سابق صدر آصف علی زرداری اور سابق وزیراعظم نواز شریف ویڈیو لنک کے ذریعے شریک ہوں گے۔ شہباز شریف کی قیادت میں ن لیگ کا گیارہ رکنی وفد شرکت کرے گا، مریم نواز، شاہد خاقان عباسی، احسن اقبال، خواجہ آصف اور دیگر رہنما شریک ہونگے۔ جے یو آئی کی جانب سے مولانا فضل الرحمان، مولانا عبدالغفور حیدری اور اکرم خان درانی شریک ہوں گے۔ کثیر الجماعتی کانفرنس میں محمود خان اچکزئی، اسفند یار ولی، آفتاب شیرپاؤ، میر اسراراللہ زہری، مولانا اویس نورانی، پروفیسر ساجد میر اور نیشنل پارٹی کے نمائندگان بھی شریک ہوں گے۔

تازہ ترین خبریں