04:59 pm
بینظیربھٹوکی یادتازہ ،بلاول کے پاکستان کا اگلاوزیراعظم بننے کی پیش گوئی کردی گئی

بینظیربھٹوکی یادتازہ ،بلاول کے پاکستان کا اگلاوزیراعظم بننے کی پیش گوئی کردی گئی

04:59 pm

راولپنڈی (نیوز ڈیسک ) پیپلزپارٹی کے سینئر رہنما اور سینیٹ کی قائمہ کمیٹی برائے داخلہ کے چیئرمین سینیٹر رحمان ملک نے دعویٰ کیا ہے کہ ان کی پارٹی کی چیئرمین بلاول بھٹو زرداری اس ملک کا مستقبل ہیں اور وہی اگلے وزیراعظم ہوں گے۔تفصیلات کے مطابق راولپنڈی میں ہونے والی ایک تقریب میںچیئرمین پیپلزپارٹی بلاول بھٹو زرداری کی 32ویں سالگرہ کا کیک کاٹا گیا، اس موقع پر رحمان ملک نے کہا کہ گزشتہ روز بلاول کواپوزیشن کی آل پارٹیز کانفرنس کی صدارت کرتے ہوئے دیکھ کر بے انتہا خوشی ہوئی، ہمیں خوشحال پاکستان کیلئے بلاول میں امید کی ایک کرن نظر
آتی ہے، کیونکہ وہ اپنے نا نا ذوالفقار علی بھٹو اور اپنی والدہ بے نظیر بھٹو کے نقش قدم پر چلتے دکھائی دے رہے ہیں۔سینیٹر رحمان ملک نے پارٹی ورکروں کو متحد اور ثابت قدم رہنے پر زور دیا تاکہ ان کے چیئرمین بلاول بھٹو زرداری کو مکمل سپورٹ مہیا کی جا سکے، کیونکہ اگر بے نظیر بھٹو کو خراج تحسین پیش کرنا ہے تو اس کیلئے بلاول کے ہاتھ مضبوط کرنا ضروری ہے، جس کیلئے تمام ورکر اپنے اختلافات کو پس پشت ڈال کر یکجا ہوجائیں اور پارٹی مفادات کیلئے کام کریں۔ پیپلز پارٹی کے رہنما سینیٹررحمان ملک نے کہا کہ راولپنڈی کی طرح ملک بھر کے دیگر شہروں میں بلاول بھٹو زرداری کی سالگرہ منائی گئی اور اس موقع پر شہید بینظیر بھٹو کی یاد دلا رہی ہے کیونکہ وہ ہر سال بلاول بھٹو کی سالگرہ پر خصوصی انتظامات کیا کرتی تھیں ، ان خیالات لا اظہار سینیٹر رحمان ملک نے گذشتہ روز پی پی پی راولپنڈی کے جنرل سیکرٹری چوہدری افتحار احمد کے گھربلاول بھٹو کی سالگرہ کی تقریب سے خطاب کرتے ہوئے کیا۔ سینیٹر رحمان ملک نے چئیرمین پی پی پی بلاول بھٹو زرداری کی 32ویں سالگرہ کی تقریب میں بطور مہمان خصوصی شرکت کی ، تقریب میں سالگرہ کا کیک کاٹا گیا جبکہ پیپلز پارٹی کے کارکنان کی بڑی تعداد نے شرکت کی ۔