جو گزشتہ روز کے اعداد و شمار تھے لیکن رپورٹ آج ہوئے۔26 فروری 2020 کو ملک میں کورونا وائرس کا پہلا کیس کراچی میں رپورٹ ہوا تھا جس کے بعد یہ دیکھتے ہی دیکھتے پورے ملک میں پھیل گیا۔ابتدا میں ایک ماہ تک ملک میں کورونا وائرس کے کیسز کی تعداد کم تھی تاہم اپریل میں کیسز بڑھنا شروع ہوئے اور پھر مئی میں مزید کیسز رپورٹ ہوئے۔تاہم جون میں صورتحال مکمل طور پر تبدیل ہوگئی اور یومیہ 6 ہزار سے زائد کیسز اور 100 سے زائد اموات رپورٹ ہونے لگی اور ملک کے ہسپتالوں میں بستروں کی تعداد کم پڑنے کی اطلاعات موصول ہوئیں۔بعد ازاں جولائی کے مہینے میں صورتحال بہتر ہونا شروع ہوئی اور یومیہ کیسز اور اموات میں کمی واقع ہوئی، جس کے بعد اگست میں مجموعی صورتحال مزید بہتر ہوئی اور ملک میں کورونا وائرس کی وجہ سے عائد پابندیوں کا خاتمہ کردیا گیا۔تاہم تعلیمی اداروں اور شادی ہالز کو مزید ایک ماہ بند رکھنے کا فیصلہ کیا گیا تاہم ستمبر میں مزید صورتحال بہتر ہونے کے بعد 15 ستمبر سے یہ شعبے بھی کھول دیے گئے۔تاہم 15 ستمبر کے بعد سے کیسز کی یومیہ تعداد میں کچھ حد تک اضافہ رپورٹ ہوا ہے۔آج 29 ستمبر کو ملک میں کورونا وائرس کی مجموعی صورتحال کچھ اس طرح ہے۔ملک کے دوسرے نمبر پر سب سے زیادہ متاثر صوبے پنجاب میں کورونا وائرس نے مزید 73 افرا کو متاثر کیا جبکہ 3 افراد کی جان لے لی۔سرکاری پورٹل کے اعداد و شمار کے مطابق 73 نئے مریضوں کے بعد وہاں کیسز کی مجموعی تعداد 99 ہزار 292 ہوگئی۔اس کے علاوہ 3 اموات نے مجموعی تعداد کو 2 ہزار 234 تک پہنچا دیا۔وفاقی دارالحکومت اسلام آباد میں کورونا وائرس کے 62 نئے مریضوں کی تشخیص ہوئی۔ان نئے 62 مریضوں کے بعد وہاں کیسز کی مجموعی تعداد 16 ہزار 532 تک پہنچ گئی۔گلگت بلتستان میں کورونا وائرس کے 49 نئے کیسز اور ایک موت کی تصدیق ہوئی۔اعداد و شمار کے مطابق 49 کیسز نے مجموعی متاثرین کی تعداد کو 3 ہزار 730 تک پہنچا دیا۔اس کے علاوہ ایک فرد کورونا وائرس سے انتقال بھی کر گیا جس نے مجموعی اموات کو 82 تک پہنچا دیا۔پاکستان میں سب سے کم متاثر حصے آزاد کشمیر میں کورونا وائرس کے 2 کیسز رپورٹ ہوئے۔سرکاری اعداد و شمار کے مطابق ان نئے مریضوں نے وہاں کیسز کی مجموعی تعداد کو 2 ہزار 663 تک پہنچا دیا۔اس کے علاوہ ایک اور فرد کے انتقال کرجانے سے مجموعی اموات 72 تک پہنچ گئیں۔پاکستان میں صحتیاب افراد کی تعداد بڑھ رہی ہے اور گزشتہ 24 گھنٹوں میں مزید 318 مریض شفایاب ہوئے۔سرکاری پورٹل کے مطابق 318 مریضوں کے صحتیاب ہونے سے مجموعی طور پر شفاپانے والوں کی تعداد 2 لاکھ 96 ہزار 340 ہوگئی جو 95 فیصد سے زائد ہے۔