معصوم کلیوں کی زندگیوں سے کھیلنے کی کسی کو بھی اجازت ہر گز نہیں دی جائیگی محکمہ تعلیم کے اعلیٰ احکام کی خصوصی ہدایات پر عملدرآمد کو یقینی بنانے کیلئے وہ وقتاً فوقتاً حلقہ نمبر 4پونچھ کے نجی تعلیمی ادارہ جات کا دورہ کرکے مانیٹرنگ کی جا رہی ہے طلبہ و طالبات کی جانیں محضو ظ بنانے کے لیے ہر ممکن اقدامات کیے جائیں گئے، حفظان صحت کے اصولوں کے عین مطابق اور عالمی وباء کے پھیلائو کو روکنے کیلئے مناسب اور فوری اقدامات کو یقینی بنانے کے حوالے سے مناسب کردار ادا کیا جاسکے۔ اے ای او حلقہ نمبر 4پونچھ سردار اختر جاوید نے یہاں نجی تعلیمی ادارہ جات کے اچانک معائنہ کے دوران غازی ملت سکینڈری پبلک سکول کی انتظامیہ کو ہدایات جاری کیں کہ وہ کلاسز میں اُتنے ہی بچے بٹھائے جتنے بچے ایس او پیز کے عین مطابق بٹھانے ضروری قرار دیئے گئے ہیں۔انہوں نے ایک دوسرے نجی ادارہ اقراء پبلک ہائی سکول کی اس حوالے سے کارکردگی کو نا مناسب اور نامکمل قرار دیا اور تنبیہ کی کہ اصلاح احوال کر لیا جائے ایک تیسرے ادارے الضحیٰ مونٹیسوری سکول کا معائنہ کے دوران بھی انھیں ایس او پیز بھی عملدرآمد پراپر نہ دیکھ کر حیرانگی ہی نہ ہوئی بلکہ یہ پتہ چلا کہ یہ ادارہ ابھی رجسٹر نہ ہے جس کیلئے ضروری ہدایات جاری فرمائیں ۔ اے ای او سردار اختر جاوید نے مارچ 2020میں تھوراڑ میں قائم ہونے والے روٹس اینڈ ونگز مونٹیسوری سکول کے منتظم کو تنبیہ کی کہ وہ 20مارچ سے روزانہ کی بنیاد پر مبلغ پانچ سو روپیہ بطور جرمانہ حکومتی خزانہ میں داخل کروائیں گے کیونکہ بغیر رجسٹریشن کے ادارہ اب تک کیسے چل رہا ہے قانونی تقاضے پورے نہ کرنے والوں کے خلاف ایکشن لیاجائے گا اور بالا آفسران کو ضروری تحریک کر لی جائیگی۔ انہوں نے لِٹل اینجلز پبلک ہائی سکول کے منتظم اعلیٰ کو بھی ایس او پیز پر عملدرآمد نہ کرنے پر وارننگ جاری کی ۔اسسٹنٹ ایجوکیشن آفیسر حلقہ نمبر 4پونچھ سردار اختر جاوید نے برائٹ فیوچر پبلک سکول تھوراڑ کی عمارت کو تسلی بخش قرار دیا اور کہا کہ دیگر اداروں کی نسبت اس ادارہ کا ماحول مناسب لگا ہے باقی ادارہ جات کو اصلاح احوال کیلئے ضروری اقدامات فوراً اختیار کرنے کی ہدایات جاری کی ہیں۔انہوں نے ان شکایا ت کا بھی نوٹس لیا کہ جولائی ،اگست اور ستمبر کی اگر کوئی فیس لیتے ہوئے نجی تعلیمی ادارہ کے بارے میں شکایات سامنے آئیں تو سخت ایکشن لیا جائیگا۔