03:19 pm
پنجاب میں 350سستے بازار قائم کردیے ہیں، عثمان بزدار

پنجاب میں 350سستے بازار قائم کردیے ہیں، عثمان بزدار

03:19 pm


لاہور (مانیٹرنگ ڈیسک) وزیر اعلیٰ پنجاب عثمان بزدار کہتے ہیں کہ پنجاب میں 350سستے بازاروں کا قیام عمل میں لادیا گیا ہے ۔ وہاں پر تمام اشیا وافر مقدر میں اور سستے داموں دستیاب ہیں۔ وزیراعلیٰ پنجاب عثمان بزدار نے اپنے بیان میں کہا سہولت بازاروں میں 20 کلو آٹے کا تھیلا 840 روپے میں دستیاب ہے، 10 کلو آٹے کا تھیلا 420 روپے میں فراہم کیا گیا ہے، عام مارکیٹ میں 20 کلو آٹے کا تھیلا 860 روپے مہیا کیا جا رہا ہے، سستے سہولت بازاروں
میں چینی 85 روپے کلو کے حساب سے صارفین کو مل رہی ہے۔عثمان بزدار کا کہنا تھا سستے سہولت بازاروں میں اشیائے ضروریہ سرکاری نرخوں پر دستیاب ہیں، سستے سہولت بازاروں سے عوام کو مہنگائی سے ریلیف مل رہا ہے، سستے سہولت بازاروں کا قیام تحریک انصاف کی حکومت کا عوام کو ریلیف دینے کیلئے مثالی اقدام ہے، سستے سہولت بازاروں میں اشیائے ضروریہ وافر مقدار میں دستیاب ہیں، تمام سہولت بازاروں کی مانیٹرنگ کی جا رہی ہے، عوام کو مہنگائی سے ریلیف دینے کیلئے آخری حد تک جائیں گے، کسی کو عوام کا استحصال نہیں کرنے دیں گے۔