کے منشور کا حصہ ہے۔انہوں نے کہا کہ آپ سب کو گلگت بلتستان کی آزادی مبارک ہو لیکن یہ آزادی گلگت بلتستان کی عوام نے خود چھینی ہے۔ گلگت بلتستان کی عوام کو صرف پیپلز پارٹی کے دور میں ہی حقوق ملتے ہیں۔بلاول بھٹو زرداری نے کہا کہ ہم گلگت بلتستان کے عوام کو روز گار فراہم کریں گے جنہوں نے پاکستان کا ساتھ دیا اور ہم ہی شہید بھٹو کے مشن کو آگے بڑھائیں گے۔ بھٹو نے آپ کو ظلم سے آزادی دلائی اور آپ کو آواز دی۔انہوں نے کہا کہ گلگت بلتستان کے عوام کو روزگار فراہم کرنے کاوعدہ ہے، ہماری جماعت عوام کو لاوارث نہیں چھوڑتی، مشکل وقت میں ساتھ دیتی ہے۔وزیر اعظم پر تنقید کرتے ہوئے انہوں نے کہا کہ منافق کی چار نشانیاں ہیں جو ساری عمران خان میں موجود ہیں، میں حیران ہوں ملک کا وزیراعظم اتنا جھوٹ بولتا ہے۔ تحریک انصاف نے ملک کا ہر ادارہ تباہ کردیا۔عمران خان کہتے ہیں سی پیک پر کام کریں گے لیکن کوئی کام نہیں کیا۔ کیا انکم سپورٹ پروگرام سے بی بی کی تصویر ہٹا کر آپ کے دل سے بینظیرکو نکال دیا جائے گا ؟چیئرمین پیپلز پارٹی نے کہا کہ شہید بھٹو نے گندم، چینی اور نمک پر سبسڈی کا بندوبست کیا اور انہوں نے ہی ایف سی آر کا خاتمہ کیا تھا۔ پیپلز پارٹی نے غربت اور بے روزگاری سے نجات دلانے کے لیے اقدام کیے۔انہوں نے کہا کہ بینظیر بھٹو نےعوام کو جمہوری اور سیاسی آزادی دی اور پیپلز پارٹی نے ہی گلگت بلتستان اسمبلی بنائی، وزیراعلیٰ دیا۔بلاول بھٹو نے مزید کہا کہ عمران خان کے دور حکومت میں کرپشن میں اضافہ ہوا، مہنگائی تمام ریکارڈ ٹوٹ گئے، چینی، آٹا چوروں کو این آر او دیا،سلائی مشین نے بڑی بڑی عمارتیں بنائی گئیں ۔ وزیراعظم نے خود کشمیر کا سودا کر لیا، کلبھوشن کو وکیل کرکے دیا اور ہمیں مودی کے بیانیے کا طعنہ دیتے ہیں،